John 14:16-17

Aapleqaqa Ata tuunesqellusi allaneng Kayutkaghqameng, enkaam tuunelleqiisi Kayutkaghqameng elpesinisaghqameng quunperugllak. Taakuk Kayutek Taghneghaaguk apeghtughlleqiisi Kiyaghneghem ipapillghaneng. Nunam yugan tuguklighnaanghitaa qayughllak esghiigalkanga talwa nallukegkanga. Iwernga elpesi liisimakaghsi qayughllak elpesinituq, ilugpesinisaghqaaguqlu.