ወንጌል ዘማቴዎስ 6
6
ምዕራፍ 6
በእንተ ምጽዋት
1 #
23፥5-6። ወባሕቱ ዑቁ ምጽዋተክሙ ኢትግበሩ ለዐይነ ሰብእ ከመ ታስተርእዩ ሎሙ ወእመ አኮሰ ዐስብ አልብክሙ በኀበ አቡክሙ ዘበሰማያት። 2ወሶበሂ ትገብሩ ምጽዋተክሙ ኢትንፍሑ ቀርነ ቅድሜክሙ በከመ ይገብሩ መደልዋን በመኳርብት ወበአስኳት ወበፍናው ከመ ይትአኰቱ እምኀበ ሰብእ አማን እብለክሙ ኀጕሉ ዕሴቶሙ። 3#25፥37-40፤ ሮሜ 12፥8። ወአንተሰ ሶበ ትገብር ምጽዋተከ ኢታእምር ፀጋምከ ዘትገብር የማንከ። 4#ዳን. 2፥22። ከመ በኅቡእ ይኩን ምጽዋትከ ወአቡከ ዘይሬእየከ በኅቡእ የዐስየከ ክሡተ።
በእንተ ጸሎት
5ወሶበሂ ትጼልዩ ኢትኩኑ ከመ መደልዋን እስመ እሙንቱ ያፈቅሩ ቀዊመ ወጸልዮ በመኳርብት ወውስተ መዓዝነ መራሕብት ከመ ያስተርእዩ ለሰብእ አማን እብለክሙ ኀጕሉ ዕሴቶሙ። 6#2ነገ. 4፥33። ወአንተሰ ሶበ ትጼሊ ባእ ቤተከ ወዕፁ ኆኅተከ ወጸሊ ለአቡከ ሰማያዊ በኅቡእ ወአቡከ ዘይሬእየከ በኅቡእ የዐስየከ ክሡተ። 7ወእንዘ ትጼልዩ ኢትዘንግዑ ከመ አሕዛብ እስመ ይመስሎሙ በአብዝኆ ንባቦሙ ዘይሰምዖሙ። 8ኢትትመሰልዎሙኬ እስመ የአምር አቡክሙ ሰማያዊ ዘትፈቅዱ ዘእንበለ ትስአልዎ። 9#ሉቃ. 11፥2-5። አንትሙሰ ሶበ ትጼልዩ ከመዝ በሉ አቡነ ዘበሰማያት ይትቀደስ ስምከ። 10#ሉቃ. 17፥20-22። ትምጻእ መንግሥትከ ወይኩን ፈቃድከ በከመ በሰማይ ከማሁ በምድር። 11#2ተሰ. 3፥12። ሲሳየነ ዘለለ ዕለትነ ሀበነ ዮም። 12#18፥25-35። ኅድግ ለነ አበሳነ ወጌጋየነ ከመ ንሕነኒ ንኅድግ ለዘአበሰ ለነ። 13ኢታብአነ እግዚኦ ውስተ መንሱት አላ አድኅነነ ወባልሐነ እምኵሉ እኩይ እስመ ዚኣከ ይእቲ መንግሥት ኀይል ወስብሐት ለዓለመ ዓለም አሜን። 14#18፥35፤ ማር. 11፥25-27፤ ሲራ. 28፥1-10። እስመ ለእመ ኀደግሙ ለሰብእ አበሳሆሙ የኀድግ ለክሙኒ አቡክሙ ሰማያዊ አበሳክሙ። 15ወእመሰ ኢኀደግሙ ለሰብእ አበሳሆሙ አቡክሙኒ ሰማያዊ ኢየኀድግ አበሳክሙ።
በእንተ ጾም
16 #
ኢሳ. 58፥5-7። ወሶበሂ ትጸውሙ ኢትኩኑ ከመ መደልዋን እስመ እሙንቱ ይትመጸለዉ ወይቈጽሩ ገጾሙ ወያማስኑ ከመ ያእምር ሰብእ ከመ ጾሙ አማን እብለክሙ ነሥኡ ዕሴቶሙ። 17ወአንትሙሰ ሶበ ትጸውሙ ቅብዑ ርእሰክሙ ወኀጽቡ ገጸክሙ። 18ከመ ኢያእምር ሰብእ ከመ ጾምክሙ ዘእንበለ አቡክሙ ዘበሰማያት ዘበኅቡእ ወአቡክሙ ዘይሬእየክሙ በኅቡእ የዐስየክሙ ክሡተ።
በእንተ መዝገብ ሰማያዊት
19 #
ሉቃ. 12፥16-21፤ 19፥21-22። ኢትዝግቡ ለክሙ መዝገበ ዘበምድር ኀበ ይበሊ ወይማስን ወኀበ ፃፄ ወቍንቍኔ ያማስኖ ወኀበ ሰረቅት ይከርዩ ወይሰርቅዎ። 20#ቈላ. 3፥1-2። ዝግቡ ለክሙ መዝገበ ዘበሰማያት ኀበ ኢይበሊ ወኢይማስን ወኀበ ኢያማስኖ ፃፄ ወቍንቍኔ ወኀበ ሰረቅት ኢይከርዩ ወኢይሰርቅዎ። 21እስመ ኀበ ሀሎ መዝገብክሙ ህየ ይሄሉ ልብክሙኒ። 22ማኅቶቱ ለሥጋከ ዐይንከ ውእቱ እምከመ ዐይንከ ብሩህ ወስፉሕ ውእቱ ኵሉ ሥጋከ ብሩሀ ይከውን። 23#መክ. 2፥13። ወእመሰ ዐይንከ ሐማሚ ኵሉ ሥጋከ ጽልመተ ይከውን ወሶበ ብርሃን ዘላዕሌከ ጽልመት ውእቱ ጽልመትከ እፎ ብርሃነ ይከውነከ።#ቦ ኢይጽሕፍ «ብርሃነ ይከውነከ» 24#1ነገ. 18፥21፤ ሉቃ. 16፥13፤ 2ቆሮ. 6፥15። ኢይክል አሐዱ ገብር ተቀንዮ ለክልኤ አጋዕዝት ወእመ አኮሰ አሐደ ይጸልእ ወካልኦ ያፈቅር ወእመአኮ ለአሐዱ ይትኤዘዝ ወለካልኡ ኢይትኤዘዝ ኢትክሉኬ ተቀንዮ ለእግዚአብሔር ወለንዋይ። 25#ሉቃ. 12፥22-31፤ ፊልጵ. 4፥6፤ 1ጢሞ. 6፥6፤ ዕብ. 13፥5፤ 1ጴጥ. 5፥7፤ መዝ. 55። ወበእንተዝ እብለክሙ ኢትተክዙ ለነፍስክሙ ዘትበልዑ ወዘትሰትዩ ወኢ ለሥጋክሙ ዘትለብሱ አኮሁ ነፍስ ተዐፅብ እምሲሲት ወሥጋ የዐፅብ እምዐራዝ። 26#10፥29-31። ነጽሩ አዕዋፈ ሰማይ እለ ኢይዘርዑ ወኢየአርሩ ወኢያስተጋብኡ ውስተ አብያት ወአቡክሙ ሰማያዊ ይሴስዮሙ አኮኑ አንትሙ ፈድፋደ ትኄይስዎሙ። 27መኑ እምኔክሙ በተክዞ ዘይክል ወስኮ አሐደ እመተ በዲበ ቆሙ ወበእንተ አራዝኒ ምንተኑ ትኄልዩ። 28ርእዩ ጽጌያተ ገዳም ዘከመ ይልህቁ እንዘ ኢይጻምዉ ወኢይፈትሉ። 29#1ነገ. 10፥10-20፤ መክ. 2፥4-11። እብለክሙ ከመ ሰሎሞን ጥቀ በኵሉ ክብሩ ኢለብሰ ከመ አሐዱ እምእሉ። 30#መዝ. 89፥6። ወናሁ ሣዕረ ገዳም ዘዮም ሀሎ ወጌሠመ ውስተ እቶነ እሳት ይትወደይ ወእግዚአብሔር ዘከመዝ ያለብሶ እፎ እንከ ፈድፋደ ኪያክሙ ኦ ሕጹጻነ ሃይማኖት። 31ኢትተክዙኬ እንከ እንዘ ትብሉ ምንተ ንበልዕ ወምንተ ንሰቲ ወምንተ ንትከደን። 32እስመ ዘንተሰ ኵሎ አሕዛበ ዓለም ዘአፍኣ የኀሥሥዎ ወለክሙሰ የአምር አቡክሙ ሰማያዊ ዘከመ ትፈቅዱ ዘንተ ኵሎ። 33#1ነገ. 3፥13፤ መዝ. 36፥4፤ ሮሜ 14፥17። አንትሙሰ ኅሡ መቅድመ መንግሥቶ ወጽድቆ ወዝንቱሰ ኵሉ ይትዌሰከክሙ። 34#ዘፍ. 3፥19፤ ዘፀ. 16፥19። ኢትተክዙኬ ወኢተበሉ ለጌሠም እስመ ጌሠምሰ ትኄሊ ለርእሳ የአክላ ለዕለት እከያ ወስራሓ።
Pašlaik izvēlēts:
ወንጌል ዘማቴዎስ 6: ሐኪግ
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties