Luka 15
15
Mberere yakusoŵa
(Mateyu 18.12-14)
1Ndipo ŵaŵandikiyanga kwaku iyo wose ŵamthulu ndi ŵalakwi, kumuvwa. 2Ndipo ŵadinginikanga ŵaFarisi nawo ndi wo ŵalembi ŵakuti, “Uyu waronde walakwi, ndipo waturgha nawo.”
3Ndipo wangukamba nawo ntharika yeniyi, 4wakuti, “Munthu njani mwaku imwe, yo we nazo mberere machumi pe chumi, ndi wataya yimoza yaku zo, wareka kusiya machumi ghankhonde ndi ghanayi pachanya nkhonde ndi zinayi mubozwa ndi kuruta pavuli pa yakutayika yo, mpaka wangayibowozga? 5Ndipo wachiyibowozga, wayiŵika pa maphwewa ghake, wakukondwere. 6Ndipo wati waza kwake, waŵadaniya pamoza ŵabali ŵake ndi ŵanase, wakuŵanene, ‘Kondwereni pamoza nane, pakuti ndabowozga mberere yangu yakutayika yo.’ 7Ndikuneniyani, kuti viyo ndimo kuŵiyenge chimwemwe kuchanya pa mlakwe yumoza waking'anamuka, kwakuruska pa ŵarunji machumi ghankhonde ndi ghanayi pachanya ŵankhonde ndi ŵanayi, ŵeniwo ŵalivi msowu wa chipe.
Ndrama yakusoŵa
8“Pamwenga njani munthukazi wakuŵa ndi ndrama chumi, yo asani wangataya ndrama yimoza, wareka kukozga limbuni, ndi kupeya nyumba yo, ndi kupenja wenguwengu, mpaka wangayibowozga? 9Ndipo wati wayibowozga wadaniya pamoza ŵabali ŵake ndi ŵananse, wakuti, ‘Kondwereni pamoza nane, pakuti ndabowozga ndrama yeniyo ndingutaya.’ 10Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”
Mwana wakusoŵa
11Ndipo wanguti, “Munthu yumoza wanguŵa nawo ŵana ŵaŵi: 12ndipo mumanaku waku wo wanguti ku wiske, ‘Ada, ndipaskeni chigaŵa cha chuma chakundiwiya.’ Ndipo iyo wanguŵagaŵiya chuma chake. 13Ndipo pavuli pa mazuŵa ghanandi cha mwana yo mu manaku, wanguti waunjika vyose, wanguruta ku charu chakutari, ndipo kwenikuwa wanguparghang'a chuma chake, wakujariya kwautayisi. 14Ndipo wanguti wamara vyake vyose, kunguwa nja yikuru mu charu chiya; ndipo iyo wangwamba kukavuka. 15Ndipo wangwachijibatika ku yumoza wa ŵamzinda ŵa charu chiya; ndipo wangumtuma ku masara ghake kuliska nguruŵi. 16Ndipo wakhumbanga kugutiskika ndi maugwemba ghenigho zarghanga nguruŵi: ndipo pengavi yumoza wapaskanga kwaku iyo. 17Ndipo wanguti wajiwezga mu mtima watinge, ‘Wamphotu ŵaringa ŵa ŵada ŵafurwa ndi vyaukurgha vinandi, ndipo ine panu ndiyowa ndi nja. 18Nkhasokanga, ndikenge ku ŵada; ndipo ndinenenge nawo, Ada, ndalakwiya kuchanya ndi pa maso pinu: 19Kuti ndeche wakwenere cha kutamulika mwana winu: ndichiteni nge njumoza wa ŵamphotu ŵinu.’ 20Ndipo wangusoka, wanguza ku wiske. Kweni weche kutari iyo, wiske wangumwona, ndi wanguzazika ndi chitima, ndipo wakuchimbiya wanguwa pa khosi lake, ndi wangufyofyontha. 21Ndipo mwana yo wangumunene, ‘Ada, ndalakwiya kuchanya ndi mu maso ghinu: kuti ndeche wakwenere cha kutamulika mwana winu.’ 22Kweni wiske wanguŵanene ŵaŵanda ŵake, ‘Ruŵi tonipo munjirira wakuruska, ndi mvwalikeni; ndipo ŵikani ndandati pa janja lake, ndi viyatu pa marundi ghake; 23ndipo toni tholi lakututuŵa, kabayeni, ndipo tirghe, tikondwenge: 24pakuti uyu mwana wangu wenga wakufwa, ndipo wawere ku umoyo; wenga wakutayika, ndipo wabowozgeka.’ Ndipo ŵangwamba kukondwere.
25“Kweni mwana wake mura wenga mu munda: ndipo wachiza ndi kuŵandika ku nyumba yo, wanguvwa kumba ndi kuvina. 26Ndipo wangudana yumoza wa ŵaŵanda, ndipo wangumfumba vingaŵa vine vyenivyo. 27Ndipo iyo wangumunene, ‘Mhurwa wako wafika; ndipo usu wabaya thole lakututuŵa pakuti wamronde wamoyo.’ 28Kweni wangudunda iyo ndipo kuti wakhumbanga kusere cha: ndipo wiske wangutuwa, ndipo wangumuŵeyere. 29Kweni iyo wangwamuka, wangunene awiske, ‘Awonani, virimika vinandi vyo ndateŵete imwe, ndipo kuti ndajumphapo dangu linu cha: ndipo kwaku ine kuti mungupaska kamberere cha, alalinga kuti ndikondwere pamoza ndi ŵabwezi ŵangu. 30Kweni penipo waza mwana winu uyu, yo warghapo chuma chinu pamoza ndi ŵayaya, mwabayiya iyo thole lakututuŵa.’ 31Ndipo wiske wanguti kwaku yo, ‘Wamwana, iwe rutaruta we pamoza nane, ndipo vyose vyangu vyako. 32Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”
Pašlaik izvēlēts:
Luka 15: TongaMw
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Bible Society of Malawi