KEJADIAN 5
5
Adam ambisangma nen ta'larik lagaukwa wene
1Hun Adam ambisangma nen ta'larik lagaukwa mene inebe re yi. Attak at Allah nen, he inom ap inom elalinafi logolik, at ebe higit elalinafikhe.#Kej. 1:27-28 2Elalinafi logolik ap elalhik, he elalhik isikhe. Isikhesik it inoba fanotfisikhi logolik inenu afuni salinafikhe.#Mat. 19:4; Mrk. 10:6 3At hun Adam umur 130 tahun logolik amlogo onggwarek olokhe hangge enu Set tatikhe. 4At amlogo tatikhe andem oba re, at Adam ebe umur 800 tahun ekhe inom logolik againafuri helime inom alage inom taginafikhe. 5At ebe umur 930 tahun welagaikhesigen wa'lagaikhe.
6Set umur 105 tahun logolik at amlogo enu Enos tatikhe. 7Andi tatikhesik at Set umur 807 tahun ekhe inom logolik againafuri helime inom alage inom taginafikhe. 8At Set ebe umur 912 tahun welagaikhesigen wa'lagaikhe.
9At Enos ebe umur 90 tahun logolik amlogo abengge enu Kenan tatikhe. 10A'nogo takhasikheba nen, at ebe umur 815 tahun ekhe inom logolik againafuri helime inom alage inom taginafikhe. 11At Enos ebe umur 905 tahun welagaikhesigen wa'lagaikhe.
12At Kenan ebe umur 70 tahun logolik amlogo enu Mahalaleel tatikhe. 13Amlogo andi tatikheba nen at Kenan ebe umur 840 tahun logolik againafuri helime inom alage inom taginafikheat. 14At ebe umur 910 tahun welagaikhesigen wa'lagaikhe.
15At Mahalaleel ebe umur 65 tahun logolik amlogo enu Yaret tatikhe. 16A'nogo tatikhesik at ebe umur 830 tahun ekhe inom logolik againafuri helime inom alage inom taginafikhe. 17At ebe umur 895 tahun welagaikhesigen wa'lagaikhe.
18At Yaret ebe umur 162 tahun logolik amlogo enu Henokh tatikhe. 19Tatikheba nen at ebe umur 800 ekhe inom logolik againafuri alage inom helime inom taginafikheat. 20At ebe umur 962 tahun welagaikhesigen wa'lagaikhe.
21At Henokh ebe umur 65 tahun logolik amlogo enu Metusalah tatikhe. 22Nen, at Henokh Allah inom hundik werek kwelek enek he 300 tahun huli welagaikhesigen, aren againafuri helime inom alage inom taginafikhe. 23Nen, at Henokh ebe umur 365 tahun huli asi lagaikhe. 24At Henokh Allah inom horokhogo hundik werek aple nen Allah nen wanhikhemo ebe hobuk hasukwa mondok lek.#Ibr. 11:5; Yud. 14
25At Metusalah ebe umur 187 tahun were'ma amlogo enu Lamekh tatikhe. 26Tatikhe andem oba at ebe umur 782 tahun ekhe inom logolik againafuri helime inom alage inom taginafikhe. 27At ebe umur 969 tahun welagaikhesigen wa'lagaikhe.
28-29At Lamekh ebe umur 182 tahun logolik amlogo abengge tatikhe, tatikhesik aren ikhi logolik, namlogo yi re nit kweang Allah nen homan igisogo wulakninabi waga mene yiba nen, yabu engginhogo hilingitunem al serogo lebetnisikhi logogin mene iluk he amlogo a'nogo enu Nuh salhikhe. 30-31A'nogo salhikhesik, at ebe umur 595 tahun ekhe inom logolik againafuri alage inom helime inom taginafikhe. Nen at ebe umur 777 tahun welagaikhesigen wa'lagaikhe.
32Nuh ebe umur 500 tahun welagaikhesik againafuri abengge inebe henagan taginafikhe, Nen it andem inenu re Sem inom, Ham inom, Yafet inom andem.
Pašlaik izvēlēts:
KEJADIAN 5: inohap
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties