Daeth Iesu i'r tŷ, a daeth tyrfa fawr unwaith eto, fel nad oedd yn bosibl iddyn nhw gael cymaint â phryd o fwyd. Pan glywodd ei deulu, aethon nhw allan i'w rwystro, am fod y bobl yn dweud: “Mae e wedi drysu.” Roedd yr ysgrifenyddion a ddaeth i lawr o Jerwsalem hefyd yn dweud, “Mae Beelsebwl ynddo ac mae'n bwrw allan gythreuliaid yn enw pennaeth y cythreuliaid.” Galwodd Iesu'r ysgrifenyddion ato a dwedodd y damhegion hyn wrthyn nhw: “Sut y gall Satan fwrw allan Satan? Os bydd teyrnas wedi'i rhannu yn ei herbyn ei hunan, ni all y deyrnas honno fyth sefyll. Os bydd tŷ wedi'i rannu yn ei erbyn ei hunan, ni all y tŷ hwnnw fyth sefyll. Os ydy Satan wedi codi yn ei erbyn ei hunan ac ymrannu, ni all yntau sefyll chwaith; mae ar ben arno. Cyn y gall neb dorri i mewn i gartref dyn cryf a dinistrio'i gelfi, mae'n rhaid iddo'i rwymo yn gyntaf, ac yna ddistrywio'r lle. Credwch fi, rydw i'n dweud y gwir, maddeuir popeth i bawb; eu pechodau a'u cableddau i gyd; ond pwy bynnag a gabla yn erbyn yr Ysbryd Glân, ni chaiff hwnnw faddeuant byth; mae e'n euog o bechod diderfyn.” Dwedodd Iesu hyn am fod rhai ohonyn nhw'n dweud bod ysbryd drwg ynddo.
Lasi Marc 3
Dalīties
Salīdzināt visus tulkojumus: Marc 3:20-30
Saglabā pantus, lasi bezsaistē, skaties mācību klipus un daudz ko citu!
Lai personalizētu tavu pieredzi, YouVersion izmanto sīkfailus. Izmantojot mūsu vietni, tu piekrīti, ka mēs izmantojam sīkfailus, kā aprakstīts mūsu Privātuma politikā
Mājas
Bībele
Plāni
Video