Мәтта 16
16
Кʼәрәмәтәке чаԝа нишан жь әʼзмен дьхԝазьн
(Марԛос 8:11-13; Луԛа 12:54-56)
1Ферьси у садуԛи һатьнә щәм Ԝи кӧ Ԝи бьщерʼьбиньн у же хԝәстьн кӧ жь әʼзмана нишанәке нишани ԝана кә. 2Әԝи ль ԝан вәгәрʼанд у гот: «Гава дьбә евар, һун дьбежьн: ‹Һәԝа ԝе хԝәш бә, чьмки әʼзман сор буйә›. 3Ле сәре сьбәһе дьбежьн: ‹Иро һәԝа ԝе хԝәш нибә, чьмки әʼзман хӧмам у сор ә›. Һун рʼуйе әʼзмен әʼнәнә дькьн кӧ һәԝайе чаԝа бә, ле нишанед зәмана әʼнәнә накьн#16:3 Нав һьнәк дәстньвисарада жь рʼеза 2-а һʼәта йа 3-а тʼӧнәйә. . 4Ньсьле хьраб у хальфи нишанәке дьхԝазә, ле жерʼа нишанәкә дьн найе дайине, пештьри нишана Уньс пʼехәмбәр». У Әԝи әԝ һьштьн у чу.
Һәвиртьрʼшке ферьси у садуԛийа
(Марԛос 8:14-21)
5Гава шагьртед ԝи дәрбази ԝи али бун, бир кьрьн хԝәрʼа нан һьлдана. 6Иса ԝанарʼа гот: «Мьԛати хԝә бьн, һʼәвза хԝә жь һәвиртьрʼшке ферьси у садуԛийа бькьн». 7Ле әԝана нав һәвда хәбәр дьдан у дьготьн: «Нане мә тʼӧнә, ләма аһа дьбежә». 8Ле әв йәк Исава әʼйан бу у гот: «Кембаԝәрно! Һун чьма нав һәвда хәбәр дьдьн, кӧ нане ԝә тʼӧнә? 9Һун һе фәʼм накьн? Найе бира ԝә, чаԝа пенщ нана тʼера пенщ һʼәзар мәрьва кьр у ԝә чәнд сәлә бәрмайи һьлдан? 10У һʼәфт нана жи тʼера чар һʼәзар мәрьва кьр у ԝә чәнд зәмбил бәрмайи һьлдан? 11Һун чаԝа фәʼм накьн, ԝәки Мьн бона нан ԝәрʼа нәгот? Ле бона ԝе йәке, кӧ һун һʼәвза хԝә жь һәвиртьрʼшке ферьси у садуԛийа бькьн».
12Шагьрта һьнге фәʼм кьр, ԝәки Әԝи бона һәвиртьрʼшке нан ԝанрʼа нәгот, кӧ һʼәвза хԝә бькьн, ле жь һинкьрьна ферьси у садуԛийа.
Пәтрус шәʼдәтийе ль сәр Иса дьдә
(Марԛос 8:27-30; Луԛа 9:18-21)
13Иса чу алийе Ԛәйсәрийа Филипойе у жь шагьртед Хԝә пьрси: «Бь тʼәхмина мәрьва Кӧрʼе Мерьв кʼи йә?» 14Ԝана гот: «Һьнәк дьбежьн ‹Йуһʼәннайе ньхӧмдар ә›, һьнәкед дьн дьбежьн ‹Елйас ә›, ле һьнәкед майин жи дьбежьн ‹Йерәмийа йә, йан жи йәк жь пʼехәмбәра йә›».
15Әԝи жь ԝан пьрси: «Ле һун чь дьбежьн? Бь тʼәхмина ԝә Әз кʼи мә?» 16Шьмһʼун-Пәтрус ле вәгәрʼанд у готе: «Тӧ Мәсиһ и, Кӧрʼе Хԝәдейе сах». 17Иса ле вәгәрʼанд у готе: «Хԝәзи ль тә, Шьмһʼуне кӧрʼе Йуһʼәнна#16:17 Бь йунани хәбәр бь хәбәр «кӧрʼе Йона» ньвисар ә. Бь зьмане арами «Йона» кӧрткьрьна наве «Йуһʼәнна» у «Уньс» ә. , чьмки хун у гошт әв йәк әʼйани тә нәкьрьн, ле Баве Мьни әʼзмана. 18Әз тәрʼа дьбежьм, кӧ тӧ Пәтрус#16:18 «Пәтрус» бь зьмане йунани те фәʼмкьрьне: «Ԛәйа» йан «кәвьр». и, аԝа готи ԛәйак и у ль сәр ви ԛәйайи Әзе щьвина Хԝә чекьм у ԛәԝата мьрьне ԝе пе нькарьбә. 19У Әзе кʼьлитед Пʼадшатийа Әʼзмана бьдьмә дәсте тә у чь кӧ тӧ ль сәр әʼрде гьреди, әʼзманада жи ԝе гьредайи бә у чь кӧ тӧ ль сәр әʼрде вәки, әʼзманада жи ԝе вәкьри бә».
20Һьнге Иса тʼәми шагьртед Хԝә кьр, ԝәки кәсирʼа нәбежьн, кӧ Әԝ Мәсиһ ә.
Иса дәрһәԛа щәфа у мьрьна Хԝәда дьбежә
(Марԛос 8:31–9:1; Луԛа 9:22-27)
21Пәй ԝе йәкерʼа Иса дәстпекьр шагьртед Хԝәрʼа әʼйан кьр кӧ гәрәке Әԝ һәрʼә Оршәлиме, жь алийе рʼуспийа, сәрәкед кʼаһина у ԛанунзанада гәләк щәфа бькʼьшинә у бе кӧштьне, ле рʼожа сьсийа жь мьрьне рʼабә.
22Ле Пәтрус Әԝ да алики, ле һьлат у готе: «Дури һьндава Тә, Хӧдан! Әԝ тьшт тʼӧ щар ль Тә нәԛәԝьмә!» 23Иса сәр Пәтрусда вәгәрʼийа у готе: «Жь бәр чʼәʼве Мьн бәтавәбә, Щьно! Тӧ бона Мьн пʼьшкбун и, чьмки әԝ нет-фькьра тә нә жь Хԝәде йә, ле жь мәрьвайе йә».
24Һьнге Иса шагьртед Хԝәрʼа гот: «Һәгәр йәк дьхԝазә ль пәй Мьн бе, бьра хԝә инкʼар кә, хаче хԝә һьлдә у ль пәй Мьн бе. 25Чьмки кʼи кӧ дьхԝазә әʼмьре хԝә хьлаз кә, әԝе ӧнда кә у кʼи кӧ әʼмьре хԝә бона Мьн ӧнда кә, әԝе бьбинә. 26Чь фәйдә һәгәр мәрьв тʼәмамийа дьнйайе ԛазьнщ кә, ле әʼмьре хԝә ӧнда кә? Йан жи мәрьв чь дькарә бәр әʼмьре хԝәва бьдә? 27Чьмки Кӧрʼе Мерьв ԝе бь рʼумәта Баве Хԝә тʼәви мьлйакʼәтед Хԝә бе. Һьнге ԝе анәгори әʼмәлед һәр кәси бьдә ԝан#16:27 Зәбур 62:12. . 28Әз рʼаст ԝәрʼа дьбежьм, һьнәкед ль вьр сәкьни һәнә ԝе мьрьне нәбиньн, һʼәта кӧ Кӧрʼе Мерьв бь Пʼадшатийа Хԝәва те нәбиньн».
Pašlaik izvēlēts:
Мәтта 16: KmrNTC
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© Институт перевода Библии, 2000, 2011