Yela 7
7
Waa soŋa aŋwɛnɛ ta
Kooro Devid yel
1N Naa Korowii,
n chwao baa marɛ.
Lɛɛ mɛ dɛ́ kpɔ nɔn tɔ n nɛ,
dɛ́ le nɛra baa cheɡɛ
n nɛɛ nɔn ta,
2ásɛ ba bɛ n bini peeɡe
kɛŋɔ nyujente,
dɛ́ toɡri n bini nomɛlbwa
aa wola won lɛɛ mɛ.
3N Naa Korowii,
dɛ n ɛ nomɛlbwa wechɔɡa,
dɛ di a bolchɔɡe,
4dɛ n ɛ nɛn n ne waa soma
wechɔɡa,
kɛɛ dɛ ɛ nɛn waa cheɡɛ
n nɛɛ wechɔɡa pɛɛpɛɛ aa,
5ate, tɛ n dɔm ŋwɛnɛ
ó dɔɔ mɛ lawɛ,
dɛ́ kpo mɛ bil,
ásɛ n sewɛ chɔ.
6N Naa Korowii,
ɡel he baah di.
Kpɔ ba che n dɔma
ba baah aa di n nɛɛ
kohona la nɛ.
Ir nyu ne tɛ mɛ, dɛ́ pa bole.
7Gel harɛre nɛra bare cheme
he do nyundua
dɛ́ di kora ba nɛ.
8Henee bol nɛwɛnyina bwa
waa dɛɛ pa bole.
Nemenɛ Korowii, cha mɛ,
dɛ́ bol n waa tɛ mɛ.
He jemɔ kɛŋɔ n tea too.
9N Naa Korowii, he waa toɡrɔ,
he jemɛ nɛwɛnyini
bambile bini,
ne o liire bwa wa.
Gel nyubinikpeɡ tena
naɡrenyin waa bwa
ba a jaɡa, dɛ́ ɡel
nɛra ba wa aa toɡra do le.
10Nemenɛ Korowiirii dɛɛ tɔ mɛ
ɡbemɡbe,
on dɛɛ lɛ nɛra
baa dɛ teŋɛ o waa ta.
11Korowii dɛ bol waa
aŋwɛnɛ ta kasinteŋ ne,
dɛɛ pa wechɔɡ-ɛɛra
bolchɔɡe saŋ bɛlbwa.
12Dɛ wechɔɡ-ɛɛra la ta
ba liire charaa,
Korowii ɛɛ sar o tokobii,
dɛ́ harɛ o to kpa.
13Korowii ɛ o dɔmkwaa
anchɔɡa cheɡ, o hɛma
ɡe nyoo ɛɛ lawɛ nii,
dɛɛ kpa ɡɛ nɛra.
14Na ɡɛ wechɔɡ-ɛɛra
aa dɛ vɔrɔwe wechɔɡa!
Ba dɛ le jina
dɛɛ neɡre nɛra.
15Ba nafuɡere baa kwia la,
ba ɡbaɡbaa dɛ́ le a ta,
á laɡ ba.
16Naɡrenyin waa baa liira la
ɡure ba nɛ,
waa baa ba a ne la,
ba ɡbaɡbaa dɛ́ na a wa.#Ɛst 9:24-25
17N dɛ jam N Naa Korowii,
dɛkalkɛ o waa toɡrɔ.
Mɛɛ ɡo yelaa kpɛɛ
Nemenɛ Korowii.
Pašlaik izvēlēts:
Yela 7: mzw
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.