Matayu 1
1
Yesu Kristo Wane Ŋosa Wili Wiliine Eŋane Eŋet Tegoene
1Iwa yemo ŋei wakone sari mageu Yesu Kristo wakonge, so eŋe Dawit wane qerakine, so eŋe Abraham wane tegoo ŋine wakonge. 2Abraham eŋe Isak magaine, Isak eŋe Yakop magaine, Yakop eŋe Yuda eŋineso ŋolekoune eŋane magaene. 3Yuda eŋe Pereze so Zera erane magaetne, (nagaetne Tama), Pereze eŋe Hezoron magaine, Hezoron eŋe Ram magaine. 4Ram eŋe Aminadap magaine, Aminadap eŋe Nason magaine, Nason eŋe Salmon magaine. 5Salmon eŋe Boaz magaine, (nagaine Rahab,) Boaz eŋe Obet magaine, (nagaine Ruti), Obet eŋe Yese magaine. 6Yese eŋe ŋei waom Dawit magaine, Dawit eŋe Solomon magaine (nagaine Uriya wane ŋanomine). 7Solomon eŋe Rehoboam magaine, Rehoboam eŋe Abaeza magaine, Abaeza eŋe Asa magaine. 8Asa eŋe Yehosapat magaine, Yehosapat eŋe Yoram magaine, Yoram eŋe Uziya magaine. 9Uziya eŋe Yotam magaine, Yotam eŋe Ahaz magaine, Ahaz eŋe Hezekiya magaine. 10Hezekiya eŋe Manase magaine, Manase eŋe Amon magaine, Amon eŋe Yosiya magaine, 11Yosiya eŋe Yekoniya eŋine so ŋolekoune eŋane magaene, naso yewao Israel ŋei ŋerep ebu peik one more Babilon kepeo ari warekoi.
12Ŋei ŋerep Babilon kepeo ebu arikoi, eya wane ŋadino, Yekoniya eŋe Seyaltiyel magaine, Seyaltiyel eŋe Zerubabel magaine. 13Zerubabel eŋe Abiudu magaine, Abiudu eŋe Eliyakim magaine, Eliyakim eŋe Azor magaine. 14Azor eŋe Zadok magaine, Zadok eŋe Akim magaine, Akim eŋe Eliud magaine. 15Eliud eŋe Eleyazar magaine, Eleyazar eŋe Matan magaine, Matan eŋe Yakop magaine. 16Yakop eŋe Yosep magaine, Mariya wane ŋaune, Mariya eŋe Yesu nagaine, Yesu eŋe Kristo orake. 17Abraham wano ŋine wakon sari mageu, Dawit wakonge eŋane tegoene 14. Dawit wano ŋine wakone sari mageu, ebu peikone Babilon kepeo arikoi, eŋane tegoene 14 ka okanmaike. Eso eya ŋine sari mage Mesiya wakonge, tegoene 14 ka.
Yesu Kristo Wakonge
18Yesu Kristo eŋe numa iwa yale oken wakonge. Nagaine Mariya eŋe Yosep wane biŋek rau geke, ŋo ere mete etne mi au au, yaupka ge more, Mariya eŋe kake, medep mane mayakane Asu Koboboineŋo urata maki, ŋatkeke eya mayake. 19Eŋe Yosep wane biŋek rakoi, ŋei yewa eŋe kisi maeprop geki paki, kine kine maineka okane geke. Ŋo eŋe siluŋ Mariya ŋei eŋane kaitko donine didiwo rawakongi, gamu kutno wayakane mi detke, eso eŋe sanka eŋane biŋek rakoi, eya kitasi-yakane wetkeke. 20Eŋe yale wetke gegeki, Waom wane aŋelo maneŋo kulu kuluwo wakonka more olale rake, “Yosep, Dawit wane qerakine, Mariya ŋanomŋone makenane misuk kaet-ganiyake, eyamo Asu Koboboineŋo urata maki medep ŋat-kemaike. 21Eŋe medep baŋ ŋei mayake, pakimo ge baŋ eŋetine Yesu orakene, onoka wane oŋo baŋ ŋei ŋerewekoune borikine eno ŋine makok-oniyake.”
22Masi iwa korop wakonge, yemo Waomŋo Propet eŋane dereret so don weteno motki ra sari gekoi, eya wane wele wakoniyakane yale wakonge, 23“Ŋerep natewen mane, ŋei mi makeŋo baŋ medep ŋatkeyake, paki medep mane ŋei mayake, eso eŋe baŋ eŋetine Imanuel orakei,” kine iwa yale. “Kaisale eŋe ŋenerop gemaike.”
24Eso Yosep eŋe kuluwo ŋine wiyeki paki, Waom wane aŋeloŋo daleo okaniyakane olatke, eya wane rokop okane kima okanka more, ŋanomine Mariya make. 25Ŋo ere ŋao ŋanom gege eya mo mi geuk paki, Mariya eŋe medepine make, pakiso, Yosepŋo eŋetine Yesu orake.
Pašlaik izvēlēts:
Matayu 1: onsNT
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2012, Wycliffe Bible Translators, Inc. All rights reserved.