Genesis 17
17
1-6Abram ngadingka bundan, wulmanman, 99 yearsman, God nguwimal milbijin nyungundu. Nyulu Godungku yalaman, “Ngayu God junkurrji bajaku. Nganya wukurrika, junkayku dunganka. Ngayu yunun promiseim-bungal. Ngayku kuku manubajaku wunay wuljaljiku, kari kunbay. Yunu jawun-karra wubulmal.” Abram dukul badaman, God kuku-nyajinka. Godungku yalaman baja, “Ngayu yunundu promise dajil, yunu jawun-karra bubungu yinduymbu dungay, yinyaymba bundanka. Yunu jawun-karra wubulmanya, ngayu yunun burri yinduda jurrkil, burri Abraham. Ngayu yunu God, yalarrku ngayu yunuwunbu jawun-karramu God.”
9-12Godungku yalaman baja, “Yurra yalarrku ngaykundu promise daya. Ngayu wawu nyajinka yurra nganya kuku-nyajinka, yundu and yunuwundu jawun-karrangka. Yurra dingkar-dingkar wubulku yulban yaka. Kaki dingkar ngawa warngku 8-balamal, yurra nyungu yulban yaka. Yurra murrka nyajil, yurra kari milka-wulay ngayu yurranin promiseim-bungan.”
15-22Godungku Abrahamanda yalaman baja, “Bama wubulmal yunuwunmun manyarrandamun Sarandamun. Ngayu yubalanga kangkal dingkar dajil. Yundu nyungundu burri daya, Isaac. Yunu jawun-karra wubulmal nyungundumun. Ngayu promise nyungu kujil wuljaljiku.” God kuku kunban, nyulu Abraham bawanda.
Pašlaik izvēlēts:
Genesis 17: gvnNTOTPO
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 1985, Wycliffe Bible Translators, Inc. All rights reserved.