Ninge 3
3
Devit ga pit iakan ra ninge na lotu. I hinhinawas utano pakana bung ing ga hilau pas ne Absalom no natine.
1Watong, haleng saakit um diet malentakuane iau!
Haleng mah diet tut hut wara hinarubu ma iau!
2Haleng diet tangtange utagu hoken,
“God pa na halon ie.”
3Iesen, Watong, augu tiga bahbahit luhutane iau.
U la sukal tar iau ma iau balaraan baling um.
4 #
Nng 34.4; 2.6 Uram hono Watong iau manga suah,
ma i taram iau meram ra auno halhaliana uladih.
5 #
Nng 4.8
Iau noh suur ma iau kubaba.
Iau tangahun baling kanong warah no Watong i hadadas iau.
6 #
Nng 23.4; 27.3 Iau pa ni burte ira sangahul na arip ing diet hanuat luhutane iau wara suksukuane iau.
7 #
Nng 58.6
Watong, taman tut!
Halangalanga iau, nugu God!
Pasar ira iase diet ira nugu ebar.
Warat ira ngise diet ira ut na sakena.
8A harhalon i la hanhanuat meram tano Watong.
Iau sasaring bia no num haraidaan na kis ta ira num matanaiabar.
Pašlaik izvēlēts:
Ninge 3: gfkNTP
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© (Active), Wycliffe Bible Translators, Inc. All rights reserved.