Populāri Bībeles panti no Zohane' 7

Dalīties

Ee, mono' godolou' ti' li gizi nizani' ma'mino soto' oloseive: Ve ma nenikumu' gili ele'vole' igi minilizave nene lu'ninguti' minevo' minevoli'mi izeleho minine' noso nene vai' lemovo' mineleseive.

Azibe mili ingi mini holise' mini noso' nite' naa' ani' gamene osu' line' gameneu' nene gamene naba minaa' neine' nenako a'mine gamenelo' nene Izesu' aza ote mino gamazi naba ogo aneza gamazi gidini ma ti' lo line': Ve ma ingine nosomu' ngiselive nene nenita igi a'mine noso nene nalizave.

Ido' Izesu' ne'mine line' nene ezemu' gili ele'vole' igi minilizave nete O'moso'mi Sikalahu' nene alinge' dalizani' nenako a'minemu' nene line' ve. Ido' alinge' dalizave luvoni' nene nemu' luvoni' ve: Izesu' a'mine gamazi line' gamenela nene Okulumoku' mo'mosi've nabala nene olihe dizo vamine' nenako ne'mo nene a'mine Sikalahu' nene olihe imiselamivo amine' ve.

Lingine evene' maliti monovo'inemu' ize' mili lili ma nene gopo lite' li lami asi monovo ningi hehe likisavo' nene ize' mili lilo.

Ido' ve ma ingine engi' ga'ninguti' gili gamazi apizi ngimaa' nave nene engi' guve'ine vilingumukovo' nene gili minisa gamazi apizi ngimaa' nave. Ne'mine iga' nani'za ve ma ingine ve mali'mo ngimiselavo igi gamazi apizi ngimaa' nangu' nene a'mine ngimiselive ne'mi guvele vilingumukovo' ve li gono dalizani' nene mo evene' gihile lamine' monovo goloso engita nomine' alevetevo' ne'mine ilisave.

Ne'mine likevo a'mido' aza ti' lo line': Naza gamazi mene apize nolingimuvoni' nene na'nise'ne ga'neuti' gelo apize lengemamuve. Asi nimiselive eitati' nene do minosa apizo nolo-lingimuve.

Me misubou' mono' gili lamine' amani' aleve nete nene lengikumu' nene gosele' igi gili goloso i-lingidamilisanako a'mida nene ha vilisaha naza nene a'mine mono' gili lamine' amani' aleve nene monovo goloso daa' nave lo lo soto' oga' nouvoni' nenako nemu' nene ingine nenikumu' gosele' igi gili goloso i-nidaa' nave.