Populāri Bībeles panti no Matthieu 5

Dalīties

É da kèr̂i bar̂ee mwââ kêmör̂u mâ nââ rö é ria né böö kêê, aè na e na bwêêwé ka tö-i mwââ kêmör̂u, wè na waavèai-ré wânii rö mwâ. Na e na ki waa ûr̂û-ré na daa xe-ve rö némèè pâr̂â kâmö, cè ké-r̂é rhûû nêr̂ê-ve ka e, mâ pè kau Pevaa xe-ve rö rua nékö.»

«Gëve daa né bwêê jë, na da tâwai tö vèii na névâ ka é pè tömâ rö gwêêwè.

Na kau mâmâ na ko-r̂é pâr̂â paxa korhî na wêê nénââ xé-r̂é, Wè cér̂é yè tö rhûû Bâô.

Na kau mâmâ na ko-r̂é, cér̂é paxa bar̂i ara mâ bar̂i wâyö nô ka târi, Wè é yè mâ pè kiè-r̂é.

Aè gö êr̂ê yè-ve na gènyâ, êr̂ê, méar̂i pâr̂â paxa rhîaa xe-ve, waa ké-r̂é ar̂ii pâi pa waa vè yaané-ve

«Na kau mâmâ na ko-r̂é pâr̂â paxa rhauadè na wêê nénââ xé-r̂é, Wè na ké-r̂é na mwâcir̂i xè nékö.

Na kau mâmâ na ko-r̂é, pâr̂â paxa vië, Wè é yè mâ ye néé-r̂é, êr̂ê, pâr̂â pâlè Bâô.

Na kau mâmâ na ko-r̂é pâr̂â paxa tââ, Wè é yè mâ ya vè tââmêr̂ê-r̂é.

Na kau mâmâ na ko-r̂é, é waa vè yaané-r̂é, na pûû-é na câwâ ka târi, Wè na ké-r̂é na mwâcir̂i xè nékö!

Na kau mâmâ na ko-r̂é pâr̂â paxa vi méa, Wè é yè mâ nââ yè-r̂é vi méa.

Na kau mâmâ na ko-ve, na ké-r̂é vi na pâr̂â kâmö na ka vër̂ëë-ve, mâ waa vè yaané-ve, mâ yi vè vee i-ve i pâr̂â nô ka yaané wânii, na pûû-é na gènyâ. Pwérhar̂a rua e na gëve mâ vi or̂o, wè na kau na pè urhii-ve rö rua nékö, wè é waa vè yaané ûr̂û-ré pâr̂â pérövéta ka baayê rai-ve.»

Na kau mâmâ na ko-r̂é pâr̂â paxa kièo, Wè nè yè mâ ké-r̂é na bwêê jë.

«Gëve yöö né bwêê jë, nè yè yèri mâ ké yè mâi yöö, na nè yè mâ mâi xè xi-yé? Na da dö kââ tëë, na e na ki mâ virai, cè ki mâ texai na pâr̂â kâmö.»

Tö ökâré, na e na ki gëve dö târi, cè ki ûr̂û Pevaa xe-ve rö rua nékö ka dö târi.»

Na e na ki ûr̂û-â na mêr̂ê tëvë xe-ve, üüwa, üüwa, aè, aè; kèi mi nô ka yaané ki mâ nââbéé.»

«Gëve wê pwêr̂ê röi na é wê êr̂ê röi, êr̂ê, pièmè pè kwê pièmè, aè pèè wâ pè kwê pèè wâ. Gö êr̂ê yè-ve na gènyâ, êr̂ê, koa yè yapurhâi kâmö ka yaané. Ö kâmö ré yè dèi poaa gaamëë xi-i, pugèwè bar̂ee dèxâ ékar̂aè yè-è.

Nè vi kââr̂â i-i na pièmè é gaamëë xi-i, cuur̂u mâ yer̂e virai, wè na e na ki yèri dèxâ böömèè kar̂ö-i, rai ki yè rhau yer̂e wânii kar̂ö-i rö gééna. Nè vi kââr̂â i-i na néxar̂a â-i é gaamëë, rharher̂e mâ yer̂e virai, wè na e na ki yèri dèxâ böömèè kar̂ö-i, rai ki yè rhau yer̂e wânii kar̂ö-i rö gééna.»