Populāri Bībeles panti no Mateo 18

Dalīties

Queriꞌ nbij chewe como ja tok ecꞌo caꞌiꞌ owi e oxiꞌ ja quimolon quiꞌ pro wi pa nubiꞌ anin tok quimolon quiꞌ jariꞌ incꞌo chiquicojol. Queriꞌ xbij ja Jesús chique.

Jutij chic nbij chewe, mana xa e caꞌiꞌ chewe wi xa junan nquechꞌob tre ja nquicꞌutuj pan oración jariꞌ ncꞌaxaxi ja coración in ja nquicꞌutuj jariꞌ nyataj chique rmal ja Nataꞌ ja cꞌo chilaꞌ chicaj.

Ja cꞌa Jesús arjaꞌ xsiqꞌuij pon jun tacꞌal, xuyaꞌ chiquicojol in quewaꞌ xbij chique riꞌ: —Ni katzij wiꞌ ja xtinbij chewe riꞌ, ja wi mateqꞌuex ja renaꞌoj, wi maquixoqui ix caniꞌ tak acꞌalaꞌ jariꞌ nixtacꞌa xquixoc ta chipan ja gobierno xin chilaꞌ chicaj.

Xa nak ta ja nuban tinoꞌy chi noqui caniꞌ ja jun tacꞌal riꞌ ja cꞌariꞌ ja más nim rukꞌij chipan ja gobierno xin chilaꞌ chicaj.

Ja tak acꞌalaꞌ ja re quitakawaꞌ xa nak ta xticꞌulu jun chique in wi pa nubiꞌ anin tok nucꞌul tibij cꞌa tzij ariꞌ chi anin ja ninrucꞌul.

Ni katzij wiꞌ ja xtinbij chewe riꞌ, xa nak ta ja mateban permitir waweꞌ chwachꞌulew jariꞌ ja matiban permitir chilaꞌ chicaj in xa nak ta ja neban permitir waweꞌ chwachꞌulew jariꞌ ja nba̱n permitir chilaꞌ chicaj.

In ja Nataꞌ ja cꞌo chilaꞌ chicaj queriꞌ cꞌa xtuban chewe ixix chakajaꞌ chejujunal ja wi ma nojel ta ecꞌuꞌx ma nojel ta ewanma neꞌecuy ja rewachꞌalal ja nqueban chewe.

Pro congana lawuloꞌ chique xa nak ta ja xquetakchiꞌin quixin awaꞌ ja re taknoꞌy riꞌ ja yukul quecꞌuꞌx wqꞌuin, congana lawuloꞌ chique masqui xa ti jun chique ja nquitakchiꞌij chi rbanic ja il mac. Más na mejor nxi̱m jun caꞌ chi quekul chanim in neqꞌuia̱k pa yaꞌ in nejikꞌi chwach ja nquitakchiꞌij jun chique waꞌ ja yukul quecꞌuꞌx wqꞌuin.

¿Nak nechꞌob ixix trewaꞌ ja xtinbij chewe riꞌ? Tzucꞌa cꞌo ta jun achi ecꞌo ta jun ciento tak rcarnelo in ntzak ta cꞌa jun chique. ¿Nak nuban ja rachi nechꞌob ixix? ¿La maqueruyaꞌ can ja re noventinueve in nbe pa tak kꞌayis chi rcanoxic ja tzaki?