Populāri Bībeles panti no Marcos 13

Dalīties

Si'a pa̱i mësarute coeja̱'cohua'i a'ë, yë'ë do'ire. Ja̱je pa'iquëta'are yo'o jujama'quëpi huaso cua̱ñoja'quë api nuñerepa yo'oquëpi.

Ja̱je pa'i do'ire, mësaru cato si'anë sëtasicohua'ije̱ pa'iohua'ipi ñajë se̱jë pa'ijë̱'ë, i̱ dai hora huesëye sëte.

Mësaruni ëjaohua'i quë'rona sasicohua'i pa'ito ¿me caja̱'cohua'i a'ni? cuasama'pë pa'ijë̱'ë. Cajë̱'ë, Maija'quë i̱si cocapi, ja̱ maca cato. Ja̱je pa'ina, mësarupi caye pa̱ja'cohua'i a'ë, Maija'quë joyopi caja̱'quë api.

Ma'tëmo cui'ne yeja pani jujani caraja̱i ja̱'ñe a'ë. Ja̱je pa'iquëta'are yë'ë coca cato yë'ë case'eje̱ ti pa'i ja̱'ñe a'ë.

I̱ti mu'se cui'ne hora pa̱i huesëyë. Hui̱ñaohua'ije̱ cui'ne Maija'quë mamaquëje̱ huesëji. Si'aohua'i huesëyë. Coa ja'quëse'e asaji, i̱ti mu'se.

Ja̱je pa'iquëta'are mësarupi huajo coca cui'ne uihuaye asacohua'i pani quëquëma'pë pa'ijë̱'ë. Ja̱ cato ja̱re ja̱je yo'oye pa'ina, yo'oji. Ja̱je yo'onije ja̱ yë'ta'a caraja̱iñe peosipi.

Ja̱je pa'ina, mësaru cato sëtasicohua'ipi pa'ijë̱'ë, coa si'anëpi, i̱ti huë'e aquë ti̱tayere huesëye sëte. Na'i maca, ñami jopo, mu'se, cura yë'i maca, pa̱nita'a nea hue̱'ña daima'quëni cajë. Yo'ojëna, cuasama'topi ca̱isicohua'ini ti̱tama'quëni de'hua ñajë'ë. Iye mësarute caye cato si'a pa̱ire cayë: ‘Sëtasicohua'ipi pa'ijë̱'ë,’ caquë.”

Yequë pa̱i tsëcapëpi yequë tsëcapëre se uihuaja̱'cohua'i a'ë. Cui'ne yequë yeja pa̱ipi se uihuaja̱'cohua'i a'ë. Si'a hue̱'ña yeja ñu'cueye pa'ija̱'coa. Cui'ne a̱opi peoquëna, a̱i ëa ju̱'ija'cohua'i a'ë. Cui'ne ai yo'oyepi pasipi. Iye pasipi, du'ru macarepa ai yo'oye.

Ja̱ yë'ta'a caraja̱ima'në de'o cocare quëaye pa'iji, si'a hue̱'ña.

Jai pa̱i yë'ë mamire cajë ‘yë'ë a'ë, Cristo’ caja̱'cohua'i a'ë. Ja̱je cajë coa cosojëna, sehuoja̱'cohua'i a'ë, jai pa̱i.

De'hua mësaruja̱'a co'ye de'oye ñajë'ë. Mësarute cato pa̱ipi tse̱ani pa̱i ëjaohua'ina i̱sija̱'cohua'i a'ë. Ja̱ohua'ipi cua̱ñejëna, mësarute pa̱i tsi'si hue̱'ñana si'sejë yo'oja̱'cohua'i a'ë. Ja̱je yo'ojëna, mësarupi yë'ë do'ire i̱ñoja'cohua'i a'ë cua̱ñecohua'i cui'ne si'a pa̱i ëjaohua'i ña hue̱'ñana.

Coa cacohua'i daija̱'cohua'i a'ë. Yë'ë a'ë, Cristo cacohua'i, cui'ne Maija'quë cocare quëacohua'i a'ë cacohua'ije̱ daija̱'cohua'i a'ë. Ja̱ohua'ipi pa̱i yo'o ti̱'a ma'ñere yo'o i̱ñoja'cohua'i a'ë, coa cosoñu'u cajë. Ja̱je yo'ojëna, Maija'quërepa sahuasicohua'ique ja̱ohua'ire sehuoye ja'i maca yo'oja̱'cohua'i a'ë.

Ja̱je ai yo'o mu'seña tëto saisi maca yureta'a, ë̱sëpi yaya huesëja̱'quë api. Ñañëje miañe pa̱ja'quë api. Ma'ñocoje̱ ma'tëmopi to̱meja'cohua'i a'ë. Ja̱je yo'o maca ma'tëmo tuture paque tsasija̱'coa.