Populāri Bībeles panti no Mt 4

Dalīties

Jesu ohõ saha ni yʉhtiahye: —‍Yeraja. Cohãcjʉ̃ yere tiquina ojoari pũpʉ ohõ saha nine: “Masare ihyaye mehna dihita catieraro cahmene. Ijipihtiye Cohãcjʉ̃ tiquiro ye yahuye mehna ijiro cahmene”, nine Cohãcjʉ̃, ni yʉhtiahye Jesu watĩnore.

Tiquiro sa nigʉ̃ Jesu ohõ saha ni yʉhtiahye: —‍Satana, wahaya mʉhʉ. Ohõ saha nine Cohãcjʉ̃ yere tiquina ojoari pũ: “Mʉhʉ pʉhtoro Cohãcjʉ̃ dihitare ño peoya. Tiquiro ye dutiye dihitare yeya”, nine Cohãcjʉ̃ yere tiquina ojoari pũ, niahye Jesu watĩnore.

Jesu uhpu dijia ihño dueraro ohõ saha ni yʉhtiahye: —‍Cohãcjʉ̃ yere tiquina ojoari pũ ohõ saha nine: “Mʉsa pʉhtoro Cohãcjʉ̃ tiquiro nidire ‘¿Poto ijiajari?’ ni masi duana Cohãcjʉ̃re ye ihño duti tuhueracãhña”, nine Cohãcjʉ̃ yere tiquina ojoari pũ, niahye Jesu.

Sa ye Espíritu Santo pehe Jesure masa marienopʉ neahye, topʉ watĩno tiquirore ñañene ye dutiato saha. Topʉ esaro cuarenta decori waro ihyaro marieno ijiahye Jesu. Sa yero ʉjʉa ahbahye.

—‍Yʉhʉ mehna cjãna ijianaja ahtaya mʉsa. Yʉhʉ mehna mʉsa ahtagʉ̃ mʉsa wahire ñehe cahmecoana mʉsa ijiro saha, Cohãcjʉ̃ yequina ijiatiquinare masare piji cahmecoana ijigʉ̃ yeitja mʉsare. Yʉhʉ mehna mʉsa ahtagʉ̃ sa yeanajare cũtja mʉsare, niahye tiquiro tiquinare. Tiquiro sa nigʉ̃ tʉhoyeta tiquina wẽñecjʉre cũ cã, tiquiro mehna wahahye.

Topʉ ijiro, Cohãcjʉ̃ yere yahu dʉcahye Jesu: —‍Mʉsa ñañe yerire bʉjʉa witiya. Sa yena quehnoañene camesaya. Ʉhmʉse cjʉ̃no Cohãcjʉ̃ ijipihtiyequina pʉhtoro tiquiro ijiato mehenogã dʉhsare, ni yahu dʉcahye tiquiro.