Populāri Bībeles panti no LUKA 9

Dalīties

Kambe a va byela hinkwavo, a ku: “Kungakuloko un'wana a rhandza ku ndzi landza, a a titshike, a tirhwexa xihambano xa yena hi siku rin'wana ni rin'wana, kutani a ndzi landza.

Hikuva la rhandzaka ku hlayisa vutomi bya yena, u ta lahlekeriwa hi byona, kambe la lahlekeriwaka hi vutomi bya yena hikwalaho ka mina, u ta byi hlayisa.

Yesu a ku eka yena: “La vekaka voko ra yena exikon'wini, kutani a rhendzeleka a languta endzhaku, a nga lulameri ku fuma ka Xikwembu.”

Loko swi ri sweswo, munhu swi nga n'wi pfuna yini ku fuwa misava hinkwayo, loko a tilovisa, kumbe loko a tionha.

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Kambe Yesu a ku eka yena: “Vahlati va ni micele, ni tinyanyana ta tilo ti ni swisaka, kambe N'wana wa Munhu a nga na laha a nga seketelaka nhloko ya yena kona.”

“Un'wana ni un'wana la amukelaka xihlangi lexi hi vito ra mina, wa ndzi amukela; kutani la ndzi amukelaka, u amukela la ndzi rhumeke. Hikuva lontsongo exikarhi ka n'wina hinkwenu, hi yena la nga ta va lonkulu.”