Populāri Bībeles panti no Matiyew 7

Dalīties

«Tsəham, aza a vələmakwar; səpam, aza ka ndzafam; fam, mambaw aza a wuradəmakwar.

Akwa na, kwa way way a tsəhey na, a vəlamar. Ndaw ka səpey ba na, a ndzefey. Ndaw ana ka fey mambaw ba na, a wuradəmara.

«Kəɗey na mendzey ma ndaw ma tsənada guma ɗaw a neney hay, i me tsey ana na, ma kada mber na, ma malada ŋga na na ta ndaw ma dzala 'ar aha, me key 'ay ŋga ka ’ar ma pəray.

«Ana tok na, tek a kwar tabiyaha, na kuray ma wuɗam ndaw hay ka kadəmakwar ana hay na, kadəmatara a taya na tey: hərway neney na Mewey ta ndaw sek hay.»

Mambaw ma daway a mendzey na, tsəzlehehe ha, tsəveɗ ana na ma ŋgaɗətsa ha, arka ndaw ma ndzafama na hay na, nekəɗey dada.»

«Fuləkwam na ta mambaw na tsəzlehehe na. Mambaw zlepetem ana ta tsəveɗ na fatata na na, a dada ndaw a slam me zəɗey. Ama har a vatar a ndaw hay na, a dawam na, ta huɗa.

Kuray eɗey seweɗ ana hay tekeɗe na, ka səradama me vəley tek hayna hay a wawa kwar hay tok na, sakwa Baba kwar ma 'ərlam a da vəlatar tek hayna a ndaw ma tsəhafama na hay sakay tok ɗaw?»

«Ka da kam sariya ka ndaw zlay, aza Bay'ərlam ka da kafakwar sariya zlay tey. Hərway sariya kwar ana, ma kafəmata ka ndaw hay ana na, a da kafəmakwar na andza ha tey. Gwada kwar ma wadəmatara tek a ndaw hay ana na, a da wadəmakwar da huɗa tey.

Mendzey ma ndaw ma tsənada guma ɗaw a neney hay, i me tsey ana, ma kada mber kakay na, ma malada ŋga na na, ta ndaw me dzeley 'ar kakay ana, ma ka 'ay ŋga ka ’ar ma wuyeŋ.

Ɗagay ka zerɗey guzer da dey ma malam eɗek na, ka mey? Duŋgwazl da dey ɗek ana na, ka sərafa ha təŋga ɗaw? Ɗagay ka ləvar a malam eɗek: ‹Äada, i zəgadəkawa guzer ba da dey ɗek›, na teŋgey? Azlakwa duŋgwazl da dey ɗek ana tok na!

«Wam daw ka vaw hərway ma ndaw sek maləwaɗay ana hay. A səmawa ka tsakay kwar na, a təradama vaw na, təɓaŋ ahiya, ama da huɗa na taya dəvar ahiya a buwam ndaw. Ka da səradəmata ba tsana, ka mber a ta na hay ma kam ana. Ɗaɗa ka ŋgəlam gwanah da vəɗe dzəgew ɗaw? Dakay na ɗuwaz da vəɗe hwelelŋ ɗaw?

Kəɗey tok na, mendzey ma vəɗe ma tek hayna na a yam bəzey ta na haya hiya. Amana vəɗe ma tek dzedzey ana na, a yey bəzey haya kakay ahiya tey.

Vəɗe ma tek hayna na a yey bəzey haykakay ana kakay. Na dzedzey ana tey na, kwa a slafa me yey bəzey hayna kakay tey.

Mendzey ma vəɗe ma tek me yey bəzey haya kakay ana na, a rətsəma ba, a kəladama a waw.