Populāri Bībeles panti no ULUKASI 9

Dalīties

Yeke wathi kibo boke: “Nakube kukhona ofuna ukungilandela, akazidele, atjathe isiphambano sakhe malanga woke angilandele.

Ngambala nanyana ngubani ofuna ukusindisa ipilwakhe, izomlahlekela, kodwana nanyana ngubani olahlekelwa yipilwakhe ngebanga lami, uzabe uyisindisile.

UJesu wathi kuye: “Umuntu obeka isandla sakhe eplurhwini, aphele arhedlule emuva, akakafaneli ukusebenzela umbuso kaZimu.”

Kuzamsiza ngani umuntu ukuzuza iphaseli loke nje, kodwana yena alahleke namkha azilobe yena ngokwakhe na?

Nanyana ngubani oba neenhloni ngami nangamezwami, neNdodana yoMuntu izakuba neenhloni ngaye lokha nayifika ephazimulwenayo, nephazimulweni kaBaba kanye neengilozini ezicwengileko.

UJesu wathi kuye: “Iimpungutjha zinemigodi, iinyoni zomkayi zineenhlakana, kodwana iNdodana yoMuntu ayinalapha ingabeka khona ihloko.”

Wathi kibo: “Nanyana ngubani owamukela umntwana omncani lo ebizweni lami, wamukela mina; naloyo owamukela mina, wamukela loyo ongithumileko. Ngambala loyo ongomncani phakathi kwenu noke nguye ongomkhulu.”