Populāri Bībeles panti no يُوحَنَّا 16

Dalīties

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

لِغايَة هَسَّع، إنتو ما طَلَبتو حاجَه بِإسمي. أطلُبو، تَقبَلو، عَلَشان فَرَحكُم يَكون كامِل.

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم. و لَمّا داك يَجي، بِوَبِّخ الدُّنيا عَلى الخَطيَّه و عَلى البِر و عَلى الدّينونَه.

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم. و في اليوم داك، ما بِتَسألوني أي شي. الحَق الحَق أقول ليكُم، كُل البِتَطلُبوهو مِن الأبو بِإسمي، بِدّيهو ليكُم.

الحَق الحَق أقول ليكُم، إنتو بِتَبكو و بِتكورِكو، و الدُّنيا تَفرَح. إنتو بِتَحزَنو، لَكِن حُزنَكُم بِتغَيَّر لِفَرَح.