Populāri Bībeles panti no मत्ती 9

Dalīties

तब वेन अपणा चेलों कू बोलि, “पक्यां पुंगड़ा त भौत छिन, पर मजदूरों की कमी च। इलै पुंगड़ा का मालिक बटि बिन्ती कैरा कि उ अपणा पुंगड़ों की लवै करणु खुणि मजदूरों तैं भेजि द्‍यो।”

इलै तुम पैलि जैके पवित्रशास्‍त्र की ईं बात को मतलब सीखा जन कि लिख्यूं च, ‘मि बलिदान ना, बल्किन मा दया चान्दु।’ अर जु लोग खुद तैं धरमी समझदिन मि ऊं खुणि ना, बल्किन मा पापि लोगु तैं बुलाणु खुणि अयूं छौं।”

जब यीशु न भीड़ तैं देखि त वेतैं लोगु पर बड़ु तरस ऐ, किलैकि ऊ लोग मुसीबत मा छा अर ऊंकी मदद करण वळु कुई नि छौ। अर वु त ऊं भेड़ों का जन छा जौं को कुई सैं गुसैं नि होन्दु।

अर या बात सुणी के यीशु न ऊंकू बोलि, “जु ठिक-ठाक छिन, ऊंतैं बैद की जरुरत नि होन्दी, मगर बिमारों तैं होन्दी च।

अर यीशु वे मुलक का नगरों अर ग्‍वोंऽ मा घूमणु रै, अर उखा प्रार्थना भवनों मा जैके उपदेस देन्दु अर परमेस्वर का राज को शुभ समाचार परचार करदु छौ। अर उखा लोगु की बिमारियों तैं अर सब किसमे कमजोरियों तैं दूर करदु छौ।