Populāri Bībeles panti no यूहन्‍ना 7

Dalīties

अर जु मि पर बिस्वास करदिन, जन कि पवित्रशास्‍त्र मा लिख्यूं च, उन्‍नि ऊंका मनों बटि भि जीवन देण वळा पाणि का गाड-गदिना बुगण लगि जाला।”

तब त्योवार को आखिरी दिन ऐ, जु की खास दिन छौ। फिर यीशु खड़ु ह्‍वे अर ऊँची आवाज मा बुलण लगि गै, “जु कुई तिसळु च, उ मेरा पास अऽ अर पेई ल्यो।

यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

अर तुम कै को मुख देखि के वेको न्याय नि कैरा, बल्किन सच्‍चु न्याय कैरा।”

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

तब यीशु न ऊंतैं जबाब देई, “मेरु उपदेस मेरु अपणु नि च, पर मेरा भेजण वळा को च।

अर दुनियां का मनखि तुम बटि बैर नि रखी सकदिन, पर ऊ मि बटि बैर करदिन। किलैकि मि ऊंका बारा मा गवै देन्दु कि ऊंका काम बुरा छिन।