Populāri Bībeles panti no Иоанн 3

Dalīties

Гьаб дуниял Аллагьасе гьедигӀанги цӀакъ бокьулеб буго: гьес цохӀо вугев Вас гьаниве витӀана, гьесда божанщинав чи хунгутӀизе, гьезие абадияб гӀумру насиблъизе.

ГӀаламалъе судги тамихӀги гьабизе витӀун гьечӀо Аллагьас жиндирго Вас дуниялалде, гьесдалъун гӀалам хвасар гьабизе витӀун вуго.

ГӀисаца гьесда абуна: – ХӀакълъун абулеб буго дица дуда: цӀидасан гьавурасда гурони Аллагьасул ПарччахӀлъи бихьизе гьечӀо.

Гьесда божарасе тамихӀ букӀине гьечӀо, амма божичӀезе тамихӀ гьанибго гьабун буго, Аллагьасул цохӀо вугев Васасда гьел божичӀелъул.

Дуниялалде Нур бачӀиналдалъун гьабуна гьеб суд. Амма гӀадамазе Нур бокьичӀо, бецӀлъи бокьана, гьез гьарулел ишал квешал рукӀиндал.

Гьев кӀодолъизе ккола, дун гьитӀинлъизе ккола.

Квешлъи гьабулевщинав чиясе Нуралъул канлъи бокьуларо ва канлъуде унаро, гьеб квешлъи къватӀибе загьирлъилилан хӀинкъун.

Васасда божарав чиясе абадияб гӀумру насиблъила. Васасухъ гӀенеккичӀесда абадияб гӀумру бихьиларо, Аллагьасул ццин бахъин тӀаса инаро гьесдаса.

ГӀицӀаб авлахъалда Мусаца пахьул борохь гӀорол тӀогьибе бахинабураб гӀадин, ГӀадамил Лъимерги борхатаб бакӀалде вахинавизе вуго

Инсуе вас вокьула ва тӀолабго кверщел гьесухъе кьола.