Populāri Bībeles panti no မဿဲ 6

Dalīties

ဘုရားသခင်ရဲ့ နိုင်ငံတော်န ဖြောန့်မတ်ရှင်းဟှို ဦးဆောင်း ရှာဂေ့ပါ။ နော့‑က်မှ နန်းနို့လိုအပ်ဟှူဇာလေဟှို ထပ်ဘီးပေးလေ့မယ်။

အယ်ကြောန့် နတ်ကီးတိုင်တွပ် စိုးရိမ်ဂေ့န။ နတ်ကီးတိုင်ဟှဘဲ့ သူ့တွပ်စိုးရိမ်လေ့မယ်။ အယ်မူနေ့မာ တွိကြောင်ရင်ဆိုင်ရဟှူ ဇာလေဟှာ အယ်နေ့တွပ် လောင်လော့‑က်လေဟှယ်။

“အယ်ကြောန့် နန်းနို့ဟှို ငါပြောမယ်။ ဖယ်မျိုးစားရဟှို့၊ ဖယ်မျိုးသော့‑က်ရဟှို့ ဆိုဘီး သတ်တွပ် စိုးရိမ်ဂေ့န။ ဖယ်မျိုးဝတ်ရဟှို့ ဆိုဘီးလည်း ကိုယ်ခန္ဓာတွပ် စိုးရိမ်ဂေ့န။ စာထတ် သတ်ဟှ ပိုမြတ်ဟှယ် မှုဟှလော။ ဝတ်ထတ်လည်း ကိုယ်ခန္ဓာဟှာ ပိုဘီးမြတ်ဟှယ် မှုဟှလော။

နန်းနို့လေ ဆုတောန်းဟှူ ခီမာ တိဆိဟှူ အီခန်းထဲဟှိုဝမ်ဘီး ခွဗော့‑က်ဟှို လောင်အောန်ပိဘီးဟှာ ထန်ရှားဘဲဟှူရပ်မာ ရှိတော်မူဟှူ နန်းနို့ဖနားမာ ဆုတောန်းဂေ့ပါ။ ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်းထန်ရှားရှား ပေးလေ့မယ်။

အယ်ကြော့န် နန်းနို့လေ ဆုတောန်းဟှူ ခီမာ “‘ကောန်းဂန်ဘောင်မာ ရှိတော်မူဟှူဖ၊ ကိုယ်တော်ရဲ့ နာမတော်ဟှို ရိုသေလေးမြတ်ရှင်း ရှိပါစေ။ နိုင်ငံတော် တည်ထောန်ပါစေ။ လိုတော်ဟှာ ကောန်းဂန်နိုင်ငံမာ ပ္လဲ့ဇောင်ဟှူမျိုးဘဲ့ မ္လေဂီးထတ်မာလည်း ပ္လဲ့ဇောင်ပါစေ။

ကျွန်တော့်ဟှားလေ လိုအပ်ဟှူစားဇာဟှို အယ်နေ့တွပ် ပေးသနားတော်မူပါ။

ကျွန်တော့်ဟှားလေဟှို ပြစ်မှားဟှူ သူလေရဲ့ ပြစ်လေဟှို ကျွန်တော်ဟှားလေ ခွမ့်လွှတ်ပေးဟှူမျိုးဘဲ့ ကျွန်တော်ဟှားလေရဲ့ ပြစ်လေဟှို ခွမ့်လွှတ်ပေးပါ။

ပြစ်သွီးဆောန်ဟှူနော့‑က်ဟှို လိုက်ပါသွားစေဘဲန၊ ကောန်းဘဲဟှူဇာလေဟှလည်း ကယ်နှုပေးပါ’ ဆိုဘီး ဆုတောန်းဂေ့ပါ။

“နန်းနို့လေဟှာ သူများလေရဲ့ ပြစ်မှားဇာဟှို ခွမ့်လွှတ်ပေးဟှယ် ဆိုဟှာ ကောန်းဂန်ဘောင်မာ ရှိဟှူ နန်းနို့ဖလည်း နန်းနို့လေရဲ့ ပြစ်လေဟှို ခွမ့်လွှတ်ပေးလေ့မယ်။

မိုးကောန်းဂန်မာရှိဟှူ ငှတ်လေဟှို ကေ့ဘီးဟှာ ဆင်ခြင်ကေ့ဂေ့ပါ။ သူးနို့လေဟှာ မျိုးစေ့လည်း ကြဲဟှ။ သီးနှံလည်း ရိဟှ။ သိုဘီးလည်း ထားဟှ။ အယ်ဘေမဲ့ ကောန်းဂန်ဘောင်ဟှ နန်းနို့လေရဲ့ ဖဟှာ သူးနို့လေဟှို ကျွေးမွေးလေဟှယ်! အယ်ငှတ်လေထတ် နန်းနို့လေဟှာ ပိုဘီးမြတ်ဟှယ် မှုဟှလော။

“သံခ္လေး၊ ခြလေ၊ ခိုးလေ၊ မ္လလေ ဖော့‑က်ထွမ်းဘီး ခိုးယူနိုင်ဟှူ လောကီဘဏ္ဍာဟှို စုဂေ့န။ အယ်ဘေမဲ့ သံခ္လေး၊ ပိုးလေ၊ ခိုးလေ၊ မ္လလေလည်း ခိုးယူနိုင်ဘဲဟှူ ကောန်းဂန်ဘဏ္ဍာဟှို စုဂေ့ပါ။ ဖြားဖြစ်ကြောန့်နူးဆိုဟှာ နန်းနို့လေဟှာ ဘဏ္ဍာရှိဟှူ နေရာဟှိုဘဲ့ နန်းနို့စိနှလောင်းဟှာ ရော့‑က်တတ်ဟှယ်။

“ဖယ်သူဟှလည်း သခင်နှေ့ယော့‑က်ရဲ့ စေဟှို ခံနိုင်ဟှ။ သခင်တယော့‑က်ဟှို မူးဘီး တယော့‑က်ဟှို ရှစ်လေ့မယ်။ သခင်တယော့‑က်ဟှို သစ်စာစောန့်ဘီးဟှာ တယော့‑က်ဟှို ထီမဲ့မြင်လောက်လေ့မယ်။ နန်းနို့လေဟှာ ဘုရားသခင်န လောကစည်းဇိမ်လေဟှို တပြိုင်ဒဲ စေခံနိုင်ဂေ့ဟှ။

ယောင်ကြည်ရှင်း အားနဲဟှူလူလေ! အယ်နေ့သတ်ရှင်ဘီး နတ်ကီးတိုင်ဟှာ မီးဖိုထဲဟှို ရော့‑က်ရဟှူ တောဗြစ်ပန်လေဟှို ဘုရားသခင်ဟှာ အယ်မျိုးဆင်ပေးဟှယ် ဆိုဟှာ နန်းနို့လေဟှို အယ်ထတ်မက ဆင်ပေးမယ် မှုဟှလော။

နန်းနို့လေဟှာ လှူဒါနပေးဟှူ ခီမာ ဘယ်ဖတ်လတ်န ပေးဟှူဇာဟှို ညာဖတ်လတ်ဟှို သိစေန။ ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်ရှားအောန် ပေးတော်မူလေ့မယ်။

“နန်းနို့လေဟှာ ကောန်းဇာလေလောက်ဟှူ ခီမာ လူလေဗြင်အောန် လောက်မိဘဲနေဟှို့ ဒိထားဂေ့ပါ။ နန်းနို့ဟှာ လူလေဗြင်အောန် လောက်မယ် ဆိုဟှာ ကောန်းဂန်ဘောင်မာ ရှိတော်မူဟှူ နန်းနို့ဖထံဟှ ကျိုးဟှို ခံစားရဂေ့ဟှို့ မှုဟှ။

“နန်းနို့လေဟှာ စာရှောန်ခီမာ သူတော်ကောန်းယောန်ဆောန်ဟှူ သူလေမျိုး သူများလေရဲ့ရှေ့မာ မျစ်နှာညှိုးငယ်ဘီး နေဂေ့န။ အယ်သူလေဟှာ သူးနို့စာရှောန်ဇာဟှို သူများလေသိအောန် ရရာတိုင်း ဗိုက်ဆာဘီး အားနဲနေဟှူပေါင်ဇံမျိုးန သူများလေရှေ့မာ ပြသတတ်ဟှယ်။ ငါမှန်တိုင်းပြောမယ် အယ်သူလေဟှာ လူလေရဲ့ ထန်ကီးဇာလေ၊ ချီးမွမ်းဇာလေဟှို ခံရလေဟှယ်။ နန်းနို့လေဟှာ စာရှောန်ဟှူ ခီမာ စာရှောန်ဟှူကြောန်းဟှို သူများလေဟှို သိစေန။ ထန်ရှားဘဲရပ်မာရှိဟှူ နန်းနို့ဖရှေ့မာ ထန်ရှားစေဟှို့တွပ် မျစ်နှာဟှိုသစ်၊ ခေါန်းဟှိုဆီနလူးဘီးဟှာ လန်းလန်းဆန်းဆန်းဟှား နေဂေ့ပါ။ ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်းထန်ရှားရှား ပေးလေ့မယ်။