Populāri Bībeles panti no ಮತ್ತಾಯ್ 2

Dalīties

ಆನಿ ತೇ ತ್ಯಾ ಗರ‍್ಹಾತ್ ಜಾ಼ವುನ್ , ತ್ಯಾ ಮುಲಾಲಾ ಆಯಿ ಮರಿಯಾಪ ಬಗು‍ನ್ ತ್ಯಲಾ ಆಡ್ವ ಪಡುನ್ ವವ್ಯಾಳಾ. ಆನಿ ತ್ಯಂಚಾನಿ ಮೂಲಾಸಾಟಿ ಆನ್‌ಲ್ಯಾಲಿ ದಿನ್ಗಿ ಸುಡುನ್ ಸೊನ, ಧುಪ್ ಆನಿ ಚಾ಼ಂಗ್ಲ ವಾಸಾಚ಼ ತ್ಯಾಲ್ ದಿಲ.

ಹೆರೊದ್ ರಾಜಾ಼ ಆಸ್‍ಲ್ಯಾಲ್ಯಾ ಕಾಲಾತ್ ಯುದಾಯ್ ಬೆತ್ಲೆಹೇಮ್ ಮಂಥ್ಯಾಲ್ಯಾ ಗಾವಾತ್ ಯೇಸು ಜ಼ಲಾಮ್ಲಾ ತವಾ ಉಗಾವ್ತೆ ದೇಶೆತ್ಲ ಶಾನ ಯೆರುಸಲೇಮಿತ್ ಆಲ. “ಯೆಹುದ್ಯಾಂಚಾ಼ ರಾಜಾ಼ ಜ಼ಲಾಮ್ಲಾ ನವ್ಹ ತ್ಯೊ ಕುಠ ಹಾ? ತ್ಯೊ ಜ಼ಲಾಮ್‍ಲ್ಯಾಲಾ ದ್ಯಾವ್‍ತ್ಯಾಲಿ ಚಾನ್ನಿ ಆಮಿ ಉಗಾವ್ತೆ ದೆಶೆತ್ ಬಗುನ್ ತ್ಯಲಾ ವವ್ಯಾಳಾಲಾ ಆಲ್ಯಾವ್” ಮನ್ಲ.

ತ್ಯಂಚಾನಿ ತೇ ಚಾನ್ನಿಲಾ ಬಗುನ್ ಖುಬ್ ಸಂತೊಶ್ ಜಾ಼ಲ.

ಫನ್ ದೇವಾನಿ ಶಾನ್ಯಾಂಚಾ ಸಪ್ನಾತ್, “ತುಮಿ ಹೆರೊದಾಪ ಮಾಗಾರ ಪರ್ತುನ್ ಜಾ಼ವುನಕೋಸಾ” ಮನ್ಹುನ್ ತಾಕಿತ್ ದಿಲಿ. ತವಾ ತೆ ದುಸ್ರೆ ವಾಟನಿ ಆಪ್ಲೆ ದೇಶೆತ್ ನಿಗುನ್ ಗೆಲ. ಶಾನ ನಿಗುನ್ ಗೆಲ ತವಾ ಪ್ರಭುಚಾ಼ ಧುತ್ ಯೊಸೆಪಾಲಾ ಸಪ್ನಾತ್ ಯವುನ್ “ಉಟ್ ಮುಲಾಲಾ ಆನಿ ತ್ಯಚೆ ಆಯಿಲಾ ಗಿಹುನ್ ಐಗುಪ್ತಾತ್ ಪಳುನ್ ಜಾ಼. ಹೆರೊದ್ ಹ್ಯಾ ಮುಲಾಲಾ ಮಾರುನ್ ಟಾಕಾಯಾ ಸೋದಾಯಾ ಲಾಗ್‌ಲ್ಯಾ. ಮಿ ಸಾಂಗಿ ಪರ‍್ಯಾತ್ ತು ಐಗುಪ್ತಾತುಸ್ ರ‍್ಹಾ” ಮನ್ಹುನ್ ಸಾಂಗ್ಲ.