Populāri Bībeles panti no San Mateo 9

Dalīties

Mu̶'it je̱'e̱ dyiscípulotu̶jk nu̶maaygyu̶xy: —Jaanch je̱'e̱ pu̶da'aky tu̶ y'oyu̶'u̶y, peru̶ je̱'e̱ mu̶duumbu̶du̶jku̶tz tu̶y janch we̱e̱nu̶. Paady yujkwaangu̶x miich ajku̶xy ma je̱'e̱ pu̶da'aky windzu̶nu̶ñ ko je̱'e̱ tyuumbu̶du̶jk wan kexy y yajpu̶du̶'kku̶xu̶ch je̱'e̱ pu̶da'aky.

Nú̶kxku̶x y u̶xpu̶jkku̶x neby je̱'e̱ Dios ñaky du'un wyimbu̶dzu̶myu̶ñ: “U̶u̶ch je̱' ndzojkypy ko je̱'e̱ pa'a''ayo'on mmu̶dajtku̶xu̶ch, y ka'p jye̱'e̱ju̶ch ko je̱'e̱ windzu̶gu̶'u̶ñ ju̶yujk myejku̶xu̶ch.” U̶u̶ch ka'p u̶u̶ch je̱' tu̶ nnimiñ je̱'e̱ ja'ay mu̶dyiibu̶ ka'p pyokymyu̶u̶du̶chu̶ñ ajku̶xy. Je̱'e̱ pokyjya'ay u̶u̶ch tu̶ nnimiñ.

Ko je̱'e̱ mayjya'ay ijxy, chi pa'a''ayoogóty ajku̶xy, je̱' ko najty tyajku̶xy myaaygyu̶xy y y'ayo'oy y'anaxu̶u̶ygyu̶xy neby je̱'e̱ borreegu̶ ka'pu̶ kyweentu̶'ajtpu̶ ajku̶xyu̶ñ.

Jesús myu̶doow je̱', y chi ñu̶maayu̶ ajku̶xy: —Mu̶dyiibu̶ oy'ajtp mu̶k'ajtp y mu̶dyiibu̶ ka'p pyu̶gyii y'ixyii ajku̶xy, ka'p tzooydyuumbu̶ je̱'e̱ yajmayjyajtku̶xy. Je̱'e̱ju̶tz tu̶y je̱'e̱ mu̶dyiibu̶ pu̶jku̶p ijxu̶bu̶ñ ajku̶xy, yajmayjyajtku̶xypy tzooydyuumbu̶ je̱'.

Wu̶dijttaay je̱'e̱ Jesús ma je̱'e̱ kajpt kú̶xyu̶ju̶ñ y ma je̱'e̱ ja'ay y'aaychu̶naay y'ujtzu̶naaygyu̶xyu̶ñ, yaj'u̶xpú̶ky najty kajpt kajpt ma je̱'e̱ judío ja'ay ñaymyujktaakt ajku̶xyu̶ñ. Kyapxwa'kxypy najty je̱'e̱ oybyu̶ ayuuk tu̶y'ajt neby je̱'e̱ Dios y'ane'emyu̶ñ, y yajtzookypy najty ku̶xyu̶ yuu pa'am wan timytyiiba'amu̶ch y mu̶dyiijáty yaj'ayoobu̶ñ.