Populāri Bībeles panti no Marcos 7

Dalīties

Aín nuitu mëu ca unin ꞌatima ñu ꞌati sinania, xanu cuaioti, uni itsin ñu mëcamati, uni ꞌati, aín xanuma ꞌaínbi xanubë ꞌiti, uni itsin ñu cuëënti, ꞌatima nuituñu ꞌiti, uni paránti, ꞌatima ꞌicëbi tënëquinma ñu ꞌati, nutsiti cëmëquin uni ñuiti, rabíti, nuituñuma ꞌiti, acama. Aín nuitunën sinánquian a ñucama ꞌacë unicamax ca Nucën Papa Diosan iscëx upíma ꞌicën. Usaquin ca Jesusan unicama cacëxa.

An ñu aín cuëbitan picë cupí ca Nucën Papa Diosan uni upíma isima. Ama. Aín nuitu ꞌatima ꞌixun ꞌatima ñu ꞌanan ꞌatimati banacë, a cupí ca Nucën Papa Diosan uni upíma isia.

Cacëxun ca Jesusan ësaquin atu cacëxa: —Mitsúxmi cëmë ꞌicë mitsu ñuiquian Isaíasnën cuënëo bana ca ësai quia: Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

Nucën Papa Diosan bana isa quixun ca unínbi ñuicë banaishi unicama ñuixunia. Usa ꞌixun ca ñancábi ꞌë rabia. Isaíasnën cuënëo bana quicësabi oi camina mitsux ꞌin.

Mitsun camina Nucën Papa Diosan bana quicësabi oquin ꞌati a ënquin mitsun chaitiocëcaman sinan bana a tanquin axa quicësabi oquin ꞌain, mëchucanan ñutë chucati, acama.