Populāri Bībeles panti no मत्ती 2

Dalīties

डी उरान आदिरजे डो एठा डी सानी पोट्टाके दियागा आंटे मरियम गा सेंग्गोन डोकेनेच, एठा दियागा झुकातिंजटे नंगा साब्बे। दिकु आपना-आपना झोरा खुल्लाटे डीचके सोना, एठा लोबान, राय होय, एठा सुकींज चीजो गा भार पेळेचके।

मेटे हेरोदेस राजा गा दिनेन यहूदिया जिल्हा बैतलहम पूरान यीशु गा जनम डायेन, मेटे पूर्व टे टी दोडोमिंकू यरूशलेम शहर गेन हेंडो कोकाम्बारा लज्जे। “डी सानी पोट्टा तोटेनेज होय, जो यहूदी कुरकू गा राजा आरु घल्जी डायेन होय? चोयाकी आलेनी पूर्व गेन दियागा जनम गा बारेन गघाल मिठाच इफिल डोके होय, इनिघल्जी आले दियागा आराधना दडा हेन होय।”

एठा दिकु राजा गा बातो आजुमटे दिकु ओले मेना, एठा कोरान दिकुनी डीका इफिल के डोकेनेच जो दिकुनी पूर्व दिशा गेन डोकेनेच डा। जब दिकुनी डीके डोके मेटे दिकु भेबाव खुशोएन। इनी इफिल दिकुगा सम्मा-सम्मा चेल्के डा एठा डी जगा लिंजेन थंदळजे देटेन सानी पोट्टा डा।

एठा परमेश्वर नी डीचके सापनान चेतावनी जीके कि राजा हेरोदेस गा मेरान बाकी सेने। इनिघल्जी दिकुनी राजा के बान घालडुका एठा दूसरा कोरा टे सेने टे इकुगा देशोन हिराटे ओले। दिकुगा सेने बदोन, परमेश्वर गा म्या स्वर्गदूत नी सापनान यूसुफ के मंडीके, “बिडे! डी सानी पोट्टाके एठा दियागा आंटे के साटे मिस्र देशोन साडूपजू। एठा जब टाएन अमाटे बान मंडी, मेटे टाएन डीगान का थंदळे। चोयाकी राजा हेरोदेस इनी सानी पोट्टाके घगाटा लक्के होय, कि डीचके घोजेजबा।”