Populāri Bībeles panti no KEJADIN 21

Dalīties

Ipasu-pasu TUHAN Sara bagi si enggo ipadankenNa.

Ibegi Dibata sora anak e tangis, e maka ngerana malekat Dibata i langit nari man Hagar, “Kai kiniseranndu Hagar? Ola mbiar. Enggo ibegi Dibata sora anakndu serko. Kekeken, legi lah janah pesinik lah ia sabap Kujadiken pagi kesusurenna jadi sada bangsa si mbelin.”

E maka mehuli me kula Sara, jenari ipupusna sekalak anak dilaki man Abraham kenca ia enggo metua. Anak e tubuh i bas paksa si enggo itentuken Dibata, payo bagi si enggo katakenNa mbarenda.

Nina Sara, “Enggo ibaba Dibata man bangku keriahen ras pertawan. E maka kasa kai kalak si megisa la banci lang tawa ras aku.”

Tapi nina Dibata man Abraham, “Ola aru atendu kerna anak e ras budakndu Hagar. Bahanlah bagi si ikataken Sara man bandu, erkiteken arah Isak nge rehna sinursurndu si enggo Kupadanken e.

Man anak budak e pe Kubereken nge anak nterem, gelah ia jadi sada bangsa. Sabap ia pe anakndu nge.”