Populāri Bībeles panti no Yohanes Uram 5

Dalīties

Niryi sunsi dib en uram ton ebkwinsin ati diboka kekebdarur. Unanyi-unaner aryi Ni uram kekeramingiryi, Ni Nai Ni bokwetebnounyi bisi dib teneramingnyi ura, a nang ara iya kam kun dinyi sirya dobdonung. A nang ara iya weik wenen dinyi kum dobdobkwaming. Eda, din nang ato kuamnyi asi kam bukeibmou nang ato kunung.

Ura, Yesus biryi anyi bisi asing eibmou ura, “Kwalina tiga puluh delapan baryi ato kuramwe,” bikmou deyok aryi, Erci yan deneamunyi bisi ato eboka asibdenmou. “Kanci, ‘Ni yan mikib yanute,’ tenerum do?” eboka asibdenmou.

Sunci, ‘Iya kam kun dinyi dobdobtibyi,’ tenen Er Imtamnyi Uram nirya asi teneiboka lilirandum. Bok, Er Imtamnyi Uram nirya aryi Niti, ‘Anyi bira Er Imtamnyi Mi kurur,’ eboka eteresurur bok, sunci Nisi dib kum teneranurum. Ati, sunci Ni dam kum yangaranurum ati, iya kam kun dinyi kum dobdobkwandum.

Ato ebmou ba, Er Yesus biryi ersi ato ebmou. “Kan tikokdum. Tikokminyi ura, kan marandim amsuna doboka ur yibarorum,” ebmou. Er Yesus biryi ato ebmou ba, a yan deneamunyi bira mikib yanmou ura, er yuk tikokmou. Tikokmou ura, erci er amsuna bobdobmouci, yibanmou. Ato kubmou tum ara sun Yahudi yala nang aryi taruk louboka wa ina kum uki tum kubmou bok, Er Yesus biryi yan deneamunyi bisi kwetebmou.

Ato kunmai bok, Er Yesus biryi sunsi ato ebmou. “Niryi sunsi dib en uram ebkwinsin ati diboka kekendarur. Nira Er Imtamnyi Mi kunun aryi Ni yuk tenen dinyi aryi wa kunuboka kum ibde banun. Eda, Ni Nai Imtamnyi biryi kunubde barur to asing eirinun aryi, Ni Nai irur dinyi akwe kunubde banun. Ara, Ni Nai Imtamnyi biryi kunubde baranci to, Nira Er Mi ababyi neik dinyi akwe kunubde banun ati ato ebman.