Populāri Bībeles panti no John 14

Dalīties

Na we mapvitag o tamata amen kamiu; nau we la mun kamiu nok o tamata, na gate la mun kamiu tam o marama we la. Nipea natoqamiu we matikotiko, wa nipea gogogolo.

Naŋ i Jesus ti vet munia wa, Inau o matesala, wa o nun, wa o esu; isei gate mule sur o Mama si gate munau.

Nipea natoqamiu we matmatikotiko; kamiu we nomtup God, tur nomtup mulaŋ inau.

nava i Varagai, o Vui we Roŋo, o Mama te vatraŋia ma alo sasak, ineia te vatogo ikamiu ape gene ŋaŋ, wa ni te ge nomkel kamiu ape gene nol ŋaŋ na me vava veta mun kamiu.

Isei qe taur wa we kokor mok o lea vatraŋ ŋaŋ, ineia iloke we tape inau; wa i Tamak te tape isei we tape inau, wa na te tape ineia, wa te ge ŋaŋalue kel nau munia.

Wa na te paere mun o Mama, wa ni te le at mun kamiu o varue Varagai sin toga galava amen kamiu, o Vui nun, o marama gate lavia lai; ape gate sagaragia, wa gate lolomarania. Kamiu we lolomarania, ape ni we toga amen kamiu, wa ni te alo ikamiu.

Wa o savasava ŋaŋ kam we paere alo sasak na te ge, si o Mama ni ronoga alo Natui. Si kam qe paere o sava tea amenau alo sasak, na te ge mok ilone.

Kam ta tape inau, kamiu te kokor mok o lea vatraŋ ŋaŋ.

O nin we tar alo iman Tamak; si gate tamaine, na me vava veta mun kamiu; ape nau we mule si na ge taurmate o vatine mun kamiu.

Wa si nau we mule we ge taurmate o vatine mun kamiu, pa na te kel mulaŋ ma, wa na te lav kamiu sur nau, si kamiu mulaŋ a toga avea nau we toga aia.

Naŋ i Thomas ti vet munia wa, Lord, kamam gate gilala ape vatine ko we mule aia, wa kamam te gilala gasei lai o matesala?