Populāri Bībeles panti no Matéus 6

Dalīties

Somlán yágá líkanʼyɛ la etɛ́l-sim yé Ɔ́lolómɛ̄, míŋí mam mísɛ, bíg kɛ ɓɛ́nɛ mɔ́ lí kondye.

Miníh kótóg hɔ́ ɓé ányúū likɛ́ɛ́; likɛ́ɛ́ ag kɛ li kótle lí nyɛ́-mɛ̄n. Ɔlɔ́ sig la ɛyɛɛ́ mbɛgɛ.»

«Jɔ́ nɛ́ mi ŋga laga ɓɛ́nɛ nɛ́, ányúū eniŋ yáná, miníh kótóg ɓé la yé miní ŋga kɛ́ li dí, tɔ ányúū nyuú yáná yé miní ŋga kɛ́ li jál. Ɓaá eniŋ ɛ́ ŋgá loo ɓé lídī, nyuú ki ɛ lōo mbɔ́tí é?

Ndí wa, eceg ɔ ŋgɔ sómo li kánɛ, níŋgí á tuúm ndáá yɔ́ɔ, ɔ lēg likooká, ɔ kánɛ Ɛsɔ́ŋɛ́, Loó jɔ́ɔ nyɔ́ a lɛ váŋ á nsɔlɓɛ́. La náŋ, Ɛsɔ́ŋɛ́ nyɔ́ a ŋga ɛ́n wa á nsɔlɓɛ́ ag kɛ wa lí sála.

«Ɓɛ́nɛ hɔ́, kánhánɛ nɛ́: ‹Á Ɛtáŋɛ wahá nyɔ́ a lɛ á lóō, ɓɔ̄ŋ nɛ́ joó jɔ́ɔ lí ɓɛ́ lipúán, Likanʼyɛ jɔ́ɔ lí sɔ̄, nsom wɔ́ɔ á ɓɔ̄ŋɓɛ́ɛ á sí ákaa á lɛ́ á lóō.

Tí ɓɛ́hɛ lidí jáhá lí ví ɔlɔ́ ví lɛn

laakɛ́ ɓɛ́hɛ avuha wáhá, ákaa ɓɛ́hɛ ki bi ŋga láakɛ ɓá bí ŋga vúhle ɓɛ́hɛ

ɔh mwahkɛ́gɛ́ ɓé ɓɛ́hɛ nɛ́ bi kú á míceglan, ndí suŋ ɓɛ́hɛ á mɔ̄ mí Ǹlem.›

Ákaa ɛ́sɛ, kíyáɓɛ́nɛ maná laakɛ́ ɓot ávuha wáɓá, Ɛsɔ́ŋɛ́ wāná nyɔ́ a lɛ á lóō nyɛ́g ag kɛ ɓɛ́nɛ li laakɛ

Léɓyán ánɔn á lóō; á ŋgá ɓɛl ɓé tɔ li pumu, á ŋgá komanɛ ɓé lídī á ákoa, ndí Ɛsɔ́ŋɛ́ wāná nyɔ́ a lɛ á lóō ag díɛ́hɛ wɔ́! Ɓaá miní ŋgá véé ɓé díyɛ ŋgandag li loo lí wɔ̄ é?

«Miníh somlág ɓé lí komanɛ lí ábyaŋ nyú á sí, ápah misɛ́g la máŋglēt bí ŋga lɔ́ɔ byoóm bísɛ, ápah ɓot bí wíī bí ŋga ɓól mílɛ̄ɛ̄, la ɓɔ́ ɓá yíí. Ndí miní kómánɛ ja ábyaŋ nyú á lɛ́ á lóō, ápah misɛ́g tɔ máŋglēt bí ŋgá pám ɓé, ápah ɓot bí wíī bí ŋgá ɓól ɓé milɛ́ɛ́ tɔ li yíí. Átɔm nɛ́, ápah abyaŋ wɔ́ɔ á lɛ, váŋ ki nɛ́ m̀mím wɔ́ɔ á lɛ.»

«Mut tɔ wa a sē hɔ́ ɓé nɛ a lá lí sále lí ɓásāŋɛ́ bíɓáa: tɔ yá ɓɔŋ láá, ag síŋgɛ nyɔ́ wa ndí a díŋɛ́ nyɔ́ŋɔ́, tɔ nɛ́ ag kɛ li átɓe la wa, ndí a yáŋa nyɔ́ŋɔ́. Miní sē hɔ́ ɓé nɛ maná ɓɛ́ miníg sále Ɔ́lolómɛ̄ ndí miníg sále ki ŋkuh.»

Kíyáɓɛ́nɛ Ɔlolómɛ̄ ag jáhɛ bikáá bí míndīī náŋ, bí bí lɛ́ nɛ lɛn bí lɛ́ váŋ, ndí líkɛ̄ɛ̄ byá lééɓɛ́ á nzáan, nɛ láá hɔ́, a sē ɓé nɛ a ɓɔ́ŋlé ɓɛ́nɛ li loo náŋ, á ɓot bí ŋyéɓé ntɔ́ga ɓá!

Ndí wa, eceg ɔ ŋgɔ tíi ŋ̀yɛ́ɛ́yɛ́ɛ likaale, wɔ wɔ́ɔ á m̀ɓɛ́ŋgáa wáh nyɛɛ ɓé lí yí lí yé nyú á m̀ɓɛ́nlómɛ a ŋga ɓɔ̄ŋ, á lí ɓɔŋ nɛ́ likaale jɔ́ɔ lí loo á nsɔlɓɛ́, la náŋ, Ɛsɔ́ŋɛ́ nyɔ́ a ŋga ɛ́n á nsɔlɓɛ́ ag kɛ wa lí sála.»

«Nyɔŋán lítāt, miníh ɓɔŋɔ́g ɓé mām mí bíɓasɛ byáná ɔ́sū ví ɓot, á lí ɓɔŋ nɛ́ bí ɛ́n ɓɛ́nɛ; náŋ miní ŋgá kɛ ɓé lí kuh lí nsála tɔ wá nyú á ŋga sɔ́le la Ɛsɔ́ŋɛ́ wāná nyɔ́ a lɛ á lóō.

«Eceg miní lɛ́ á etɔɔ-nzal, miníh kágág ɓé mísū, kaa ɓot bí ɔ́taɓa bí ŋga ɓɔ̄ŋ. Bíg yaanɛ misú máɓá nyaa etám á lí étɛ lí ɓot bísɛ nɛ́ bí lɛ́ á étɔɔ-nzal. La mbálɛ, mag laga ɓɛ́nɛ nɛ́, ɓá kūh nsála wáɓá. Ndí wa, eceg ɔ lɛ̄ á etɔɔ-nzal, so ásū wɔ́ɔ, ɔ kóm libíndɛ á m̀mú, á lí ɓɔŋ nɛ́ ɔh éthɛ́gɛ́ ɓé ɓot nɛ́ ɔ lɛ̄ á étɔɔ-nzal, amáh sig Ɛsɔ́ŋɛ́ nyɔ́ a lɛ váŋ á nsɔlɓɛ́; la náŋ, Ɛsɔ́ŋɛ́ nyɔ́ a ŋga ɛ́n wa á nsɔlɓɛ́ ag kɛ wa lí sála.»