Populāri Bībeles panti no João 6

Dalīties

Waneya ruhita Jesus: — Pão hiwekkaklewatatshri Hitni. Katukta yanwakaxinno hikeklu hohne hnatshitanu hiyrun-koxa nalixjeru hikeklu hohne ronunnahatewatanu.

Hoyakalu Hiwejikaluru waleni henek-hiweklerewatatshri. Wimane hike kochpakatshrini. Tokantshi ntshinyahi waleni Hoyakalu Hiwejikaluru, hiweklu reneklewata.

Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.

Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.

Waneya Jesus hihitna: — Xyekni Hoyakalu kamrure yine halixyawaklu Hoyakalu yokanrerni.

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

Waneya Simão Pedro tshinkaluru wla tshinru: — Tsru Hixikatshriwa, wane wixini hanhe wyanu? Klu tshinanu pix-honra himwalu tokantshi hiweklu hike rixiniko mnikawnakatu heneklewatatshri.

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

Hike yineru himukata yanwakletno Nuru Hoyakalu, nyokanatjeru mkosekkanuklunuplu hita nwaka. Waneyapa ralipre hohnepatka hipuktshi yehi niwekkajinri.

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

Hitni pão-no hiweklu heneklewatatshrino.

Waneya Jesus pão hkochtsheka, hpoyahnutlu Hoyakalu waneya Jesus hapsatna pão ptowruneko. Waneko pixka rixlo Jesus chim-koxa. Waneya ptowruneka hi psokta raluka nikletna wane pso hnikna. Waneya rinanuwaxinixkana yine Jesus wan-tshinna rasruklene: — Hapatjetanru hixetatshri hike hma salewniywakanupa.

Waneya cinco ho seis quilômetros pchini ruchpajyatkana Jesus hasruklene retluna Jesus honha hoho hyanamxyawaka. Kanawastsi rapokatka. Jesus hasruklene pikpotuthonuka. Seyni Jesus wan-tshina: — Hi hpikanu, Hitni!