Populāri Bībeles panti no Gênesis 6

Dalīties

Hoyakalu wan-tshina: — Klukta nikamhana nyi yine tshiji hwatshine hiyrunu nwamonuwahchinikanuta.

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Seyni Hoyakalu hikchikhihlenutlu Noé tshinkaluru.

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Waneya wane htshina Tsru Hixikatshriwa Hoyakalu: — Nkamhalene yine, tshiji hwatshine, namhakakannuna yine hiyrunu hocha hajeru hiyrunu ptowru hixatshri tshij-hoho yosrolotatshri hiyrunu kamejirune tenhohne yapatshine klu tshinanu nyokmanahchinikanuta nkamhalene tshinanu.

Wane rix-hixowletna yine tshij-hohoya hiyáhoni hwuhenetna hiwhenenna suxone. Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko. Hiyáhoni wane htshina Tsru Hixikatshriwa Hoyakalu: — Hita Hiwejinri hi ptowru hohneka yapretakna jejine klu tshinanu jeji hihituchani. Seyni yine hiwejinri hohne pejnu cento e vinte mhale tsonu riwekanna. Hiyrunu waneklu papko rawapna tshij-hoho tseruwnapotutatshine potuko. Hiyáhoni wane pnute Hoyakalu whenene hapokmanexinna jeji whenene suxone waneya hmatuwhenexinna hwuhenene jejine. Hiyáhoni xyekaka jejine tsru hixkolune, tsru hchinikanurune psoluchaka kpohiyna mitshikawni.

Waneya hanukta htshinru Hoyakalu wane potuko rixa Noé.

Waneya Hoyakalu wan-tshinru Noé: — Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.

Xawakni pkamhanro sato tsro kanawa cipreste chpataya. Waneya totlo hitokote putakanru hihrukokaka. Waneya pyochitanro tsro kanawa chiptshajpalu hitoko sreta, maleka sret-koxa psahatanu.

Hiyáhoni Hoyakalu hetlu tshiji. Halikaka hektupotlu tshiji klu tshinanu ptowru hiwekatshri rumtukhiweklexnawa psol-tshijneyako.

Hiyrun-koxa ptowru hixatshri hiwekatshri, hepkaka ptowru hixatshri, satu jeji, sato suxo ppokotanu tsro kanawaya pixayma, riwejyawakapna pixayma.