Populāri Bībeles panti no Yohana 7

Dalīties

Amandëkö Amatööbhiyu ngakobhabhoorera abhaato kubha omooto wowoose uno aghonkumi eni, naakubha ne ebherika bhe manche gha bhuhöru moose yaache.”

Orosiko ro kumareereri anyangi e bhebhuru ndoore orosiko rokoro chwee. Mbe, Yesu akiimeerera mo‑riigho re Risëngërö, aghatiiri eriiraka akabhugha, “Omooto arooghu anyööta, ache ghokoone, anyo.

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Motamotenera ekiina omooto gho ghano ghakorighibhu anche, amare momotenere ekiina omooto kwo bhuhëënë.”

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

Niho Yesu akabhabhoorera akabhugha, “Ameeghi ghano nekweghi taanyi ghaane, amare n‑gha uno antomiri ghokoonyu.

Abhaato bha mo‑se ino bhataghöötë ghe kobharëgha inyu, amare eni mbakundëgha gho kubha nekobhabhoorera kubha amaköri ghaabho m‑mabhe.