Populāri Bībeles panti no Mataayo 5

Dalīties

Kweki, abhantu bhatakugwatya ekorobhoi kimwi bhaikundikirye na ekibhiga. Nawe, bharaituura kukisunga, naho emirike bhonsego bhanú bharingi munyumba. Egoego na bheenyu, endingaasi yeenyu ereenderwa emirike kubhantu, naho bharore ebhikorwa bhyenyu ebhijomu, bhamugungye Eseweenyu owa murwire.

“Bheenyu n-kya endingaasi mukyaro. Omugi gunú guhagaajirwe eguru kunkuku, gutakutura okwibhisa.

Nyakara bhanú bhaana omutima omujomu, kwa okubha bharimurora Waryubha.

Nyakara bhanú bhaana omweko na enyonta ya okukora ganú Waryubha areenda, kwa okubha Waryubha aribheegutya.

Nawe, oni ndabhakeerya ega, muhanje abhasigu bheenyu, na mubhasabhire bhonsego bhanú bharabhanyankya.

“Nyakara bhanú bharamutuna Waryubha bhukongʼu kwa emitima gyabho, kwa okubha obhukama bhwa murwire m-bwabho.

Nyakara bhanú bhareegwanʼya abhantu, kwa okubha bharibhirikirwa ega, abhaana bha Waryubha.

Nyakara bhanú bharasurumbara, kwa okubha Waryubha aribhahorisya.

Nyakara bhanú bharanyankibhwa kwa okukora ganú Waryubha areenda, kwa okubha obhukama bhwa murwire m-bwabho.

Nyakara bhanú bharaabhira abhandi, kwa okubha bhonse Waryubha aribhaabhira.

“Nyakara bheenyu nyoore abhantu bharabhatuka, bharabharaarira na okubhahaamirirya kwa amanga amaaru kurusumo rwani. Mujomerwe na okukiririrya kwa okubha omutuho gwenyu murwire m-munene, ego niigo bhaabhanyankya abharooti bhanú bhaaringa-ho akare.

Nyakara abhanyoohu, kwa okubha Waryubha aribhagabhya ekyaro.

“Bheenyu n-kya omuunyu mukyaro. Nawe, gukaasarika, gutakutura okubha na omuta gwa omuunyu kweki. Gutakwenderwa kweki, kwa ego gureeswa kibhara na okutajwa na abhantu.

Mbe, mubhe mukuneeni, kya ego Eseweenyu owa murwire akuneeni.

Mugambe ‘maheene’ nyoore m-maheene, na mugambe ‘tiigo-ha,’ nyoore tiigo-ha. Amangʼana gonsego ganú garakira gayo, gararwa kumusarya urya Erisambwa.

“Mwigwiri eriragiriryo rinú riragamba ega, ‘Eriiso kwa eriiso, na eriino kwa eriino.’ Nawe, oni ndabhakeerya ega, otamurihya amabhiibhi omuntu unú akukoreeri amabhiibhi. Nawe, nyoore omuntu akutemeri kumboto ya obhuryo, mukyukirye na eya obhumosi yonse.

Mbe, nyoore eriiso ryaho rikaakora okore obhusarya, oriihe oryese ahare. Ndagamba ego, kwa okubha m-bujomu okubhurya ekiroobhero kyaho ekimwi kya omubhiri, okukira omubhiri gwaho gonsego okweswa mumururo gunú gutakusima. Kweki, nyoore okubhoko kwaho kukaakora okore obhusarya, okubhuture okwese ahare. Ndagamba ego, kwa okubha m-bujomu okubhurya ekiroobhero kyaho ekimwi, okukira omubhiri gwaho gonsego okweswa mumururo gunú gutakusima.