Populāri Bībeles panti no OO MEYO ACHIMOOWIN ST MARK 14

Dalīties

Ākose omisse itwāo, Abba, N’ o̔tawe, ka̔keyow kākwia ke kuske̔tan keya; ākutānumowin oma mini̔kwakun: āyewā̔k maka numoweya neya ā itāye̔tuman, maka keya ā itāye̔tumun.

Ussowapik mena ayumehak, āka kitta itoo̔tāyāk kootāye̔toowini̔k. Ācha̔k tapwā kwyachissew, maka meyas nāsoowun.

Tapwā k’ ititinawaw, Piko ittā oma meyo achimoowin kā we̔tumee̔k missewā uskee̔k, oma ussitche ka ke̔ totu̔k kitta atochekatāo kitta kiskissetota̔t.

Ākose omisse itāo, Net a̔cha̔k naspitch kukwatukamu̔chehoo nippoowini̔k isse: ota ayak keyawaw, mena ussowapik.

Ākose mākwach ā mechesootchik, Jesus otināo ayu̔konawa, ākose meywukimāo, mena pu̔kwānāo, mena meeyāo, mena omisse itwāo, Otinee̔k, moowee̔k: āwuko oma ne’ yow.

Ākose otinum mini̔kwakun, ākose ka̔ mākit nunaskoomoowina, meeyāo: ākose ka̔keyow ke̔ mini̔kwāwuk ākota o̔che. Ākose omisse itāo, Āwuko oma ne’mi̔k ooske isse̔twawini̔k, ka seeka̔hikatāk me̔chāt o̔che.

Ākose Jesus omisse itāo, Ka̔keyow keyawaw ke ga nayā̔tawāye̔tānawaw chikāma neya o̔che unoo̔ch ka tipiskak: chikāma omisse itussina̔hikatāo, ne ga ootama̔waw ookunowemayutchi̔kwāo, ākose mayutchi̔kwuk kitta nunanis ayawuk.

Wuniskak, sipwā̔tātan; cheest, una ka utawakāt ne’ yow kissewak ayaw.

Ākose Jesus omisse itāo, Tapwā k’ ititin, Oma ka kesikak, oma ote ka tipiskak ā moyā napāpakaha̔kwan kitoot neswaw, nistwaw ke ga anwā̔towin.