Populāri Bībeles panti no yuḥanna 1

Dalīties

imma kullu winna‑t‑ranin amnn srs, ifka‑yasn lḥqq ad‑gn tarwa n‑rbbi.

illa‑wawal ġ‑isizwar n‑kullu ma‑illan. rbbi a‑dar‑illa‑wawal‑an, ig‑wawal‑an rbbi.

ar‑ttisfiw tifawt ġ‑tillas, imma tillas ur‑as‑sugirnt yat.

awal‑an iwrri iga bnadm, izdġ ġ‑gratnnġ, nẓr lmjd‑ns. iga lmjd n‑walli igan yan dar babas, tigat gis lbaraka d‑lḥqq.

srs a‑s‑ih̬lq kullu ma‑illan. ur‑illi kra ih̬lq‑t rbbi abla ityawh̬laq srs. awal‑an a‑ġ‑tlla tudrt, tg‑tudrt‑an tifawt i‑mddn.

ndid azkka iẓr‑n yuḥanna yasuɛ ifta‑d s‑dars, yini fllas: «han alqqaġ n‑rbbi lli‑ra‑issitti ddnub n‑ddunit.

yuška‑d s‑ddunit, d‑srs a‑s‑ttyawh̬laq ddunit, walaynni ur‑t‑ukʷzn ayt‑ddunit. yuška‑d dar wins, walaynni ur‑t‑rin mddn‑ns.

ašku s‑ddunit a‑s‑ra‑d‑yašk ġwalli igan tifawt l‑lḥqq lli‑ittisfiwn f‑kullu mddn.

f‑ufus n‑musa a‑f‑d‑ityawfka ššrɛ, imma f‑ufus n‑yasuɛ lmasiḥ a‑f‑di‑tuška lbaraka d‑lḥqq.