Populāri Bībeles panti no Yaɓooda 1

Dalīties

Luwah el an: Ad kɨ ɗa de ɓakumtaj, kɨ titj kad õɓe dɔ kanjgt kɨ bahbot, kɨ dɔ yelgt kɨ dõ, kɨ dɔ nyakulgt, kɨ dɔ dɔningt kɨtaagbe, kɨ dɔ nyat kɨɗen kɨ ngékɔrr kɔdɨn ber. Titbe Luwah ndah de ɓakumtan, ɓakumta Luwah la ndaan ye, Luwah ndah kɨdɨngã kɨ kɨdẽ.

Luwah njang dɔd, na Luwah eld an: Oojɨn na, i bɨlan kɨdɔtdɔt, i ɗoosɨn dɔning, na i lan dɔning girr tɔgsɨt Õnɓe dɔ kanjgt kɨ bahbot, kɨ dɔ yelgt kɨ dõ, kɨ dɔ kurt kɨɗen kɨ ɔd ron dɔningt

Lo yaɓoodat Luwah ndah dɔrãg kɨ dɔning.

Dɔning to kari, nya gotot. Til ut ta holɓe kɨ kokɨɓing, na Ndil Luwah ɔrr dõ dɔ mangt.

Luwah el an: Kɨ kunj tee Na kunj tee.

Luwah oo nyag tube'n ɗa ye, oo ad i nya kɨmaj ngãi. Lokɨkàda kɨ lokɨndɔ i ndɔ kɨkõkɨbojidet.

Luwah oo kunj i kɨmaj, ad Luwah gang kunj kɨ til nat.

Luwah el tɔ an: Oon m'adsɨ kám kɨɗen kɨ tee kɨ kumɨn dɔningt kɨtaagbe, kɨ kag kɨɗen kɨ aw kɨ kandɨn kɨ kumɨn kamt, a in nyasasɨ.

Luwah ndah tɔ kunj lokɨkàda, na til lokɨndɔ. Lokɨkàda kɨ lokɨndɔ i ndɔ kɨdasa.

Luwah el an: Kɨ lokɨtat i mbɨna mangt kad gang maan nat kɨ maan

Kun kɨɗen kɨ dɔningt, yel kɨɗen kɨ dõ, nya kɨɗen kɨ a ɔd ron, ĩn kò kumkajir i kamat, mad mũ kɨ mbool kɨɗen nyasat. Na nya'n non ɗa nya titbe.

Luwah el an: Kɨ kunjg in kam lot kɨ dɔrãt kɨtɔkad gangɨn lokɨkàda kɨ lokɨndɔ nat, na kɨ in nyakɔjg, kɨtɔ dɔnahg kɨtɔ ndɔg kɨ ɓalg

Luwah el an: Kɨ dɔning ɓa mũ kɨmbool Kɨ mbikamg kɨ teen kɨ kumd Kɨ kagg teen kɨ kand'd kɨ kumd kɨ dang dang dɔningt Na nyan ten ɗa nya titbe.

Luwah ɗa lokɨtat gangɨn mang kɨ ton girr lokɨtat't nat kɨ mang ĩn i dõ dɔ lokɨtat't tɔ. Na nya 'nten kɨ ɗa nya titbe.

Dɔning ɓa mũ kɨmbool, kámg kɨ teen kumd kɨ dang dang, kagg teen kɨ kand'd kɨ kumd kɨ dang dang ho. Luwah oo i nya kɨmaj.

Luwah ɗa kunj kɨbobo joo, kunj kɨbo kɨtɔ kõɓe dɔ lokɨkàdat, na kunj kɨdu kɨtɔ kõɓe dɔ lot kɨndɔ, ɗa kɨmẽg tɔ.

Luwah el an: Kɨ maan kɨ girr dɔrãt kɨ kaw kɨnat lo kɨɗa, kɨ lokɨtut tee Na nya 'nten ɗa nya titbe. Luwah ndah tɔ lokɨtut dɔning, maan kɨ kaw kɨnat ndah tɔa bahbo. Luwah oo ad i nya kɨmaj.

Luwah njang dɔd, an: Ĩn nyandahg kɨ mant, oojɨn na, i bɨlan kɨdɔtdɔt, i ɗoosɨn kam man kɨ bahbog Kɨ yelg bɨlan kɨdɔtdɔt dɔningt.

Luwah el an: Kɨ dɔning tee kɨ nyag kɨ kumkajir kɨgo kĩdt: Nyakulg, kɨ nyag kɨ kɔrr kɔd'd ber kɨ dãg kɨmut kɨ dang dang. Na nya 'nten ɗa nya titbe.

Luwah el an: Kɨ man tee kɨ nyandahg kɨ kumkajir ad bɨlan kɨdɔtdɔt Kɨ yelg ɓain dõ kɨ bɔgd dɔningt kɨ kam nélt.

Luwah ɗa dãg kɨmut kɨ dang dang kɨ nyakulg kɨgo kĩdt, kɨ nya kɨ kɔrr kɔd ber kɨ dang dang tube. Luwah oo ad i nya kɨmaj.