Populāri Bībeles panti no Mareka 13

Dalīties

Akayihela kudi antu ejima hansaŋu yejina dami; Ilaŋa muntu wakakakela nikunsa diyi wakahanda.

Babalenu, tonenu, lombenu; Muloŋa himuneluki mpinji oyuku.

Chakayitwalawu nakuyihana kudi ansompeshi, bayi mwakaakamaŋahu dehi yimwakahoshaku; mwakahosha yakayinkawu kuhosha mpinji oyu, muloŋa hiyenu mwakahoshaku, Spiritu Wajila diyi wakahosha.

Iwulu niiseki akahita, Ilaŋa mazu ami hiyakahitaku.

Ilaŋa itaŋwodu hela mpinji oyu kwosi wayilukaku, chalala hela aŋelu amwiwulu hela Mwana, chiŋa Tata.

Chimwakatiya majita ninsaŋu jamajita, bayi mwakaakamaku. Yumiyi chiŋa yakashika, ilaŋa kukumisha kanda.

Dichi tonenu; Muloŋa himuneluki hakenza nkaka yetalaku, kwiji melela, kwiji mukachi kawufuku, kwiji hedikilaŋa ikombu, kwiji budidi; kuchina kwila chakenzayi chakukasumwisha hakayiwana namutulu. Chinukuyilenu, nayili niantu ejima, nami, Tonenu.

Muloŋa muza wakanyamuka nakulwa namuza, wanta nawanta; kwakekala ninyitentanshi kwacheŋi nakwacheŋi; kwakaholoka nzala. Yumiyi diyi yihuŋu yakutachika.

Ninsaŋu yayiwahi chiŋa akasambila kuyishimuna kunyuza yejima.

Muloŋa antu amavulu akenza mwijina dami, akela nawu, Diyi yami; akaluwaŋesha amavulu.

Ilaŋa enu babalenu enu aweni, Muloŋakayitwala muyota, akayetela nimumashikola; mwakemana kumesu awanguvulu nawanyanta hamujimba wamami, kulonda kuyilila wunsahu.

Muloŋa hakanyamuka aKristu akutwamba, niatuprofwetu akutwamba, akamwekesha yinjikijilu nayihayamisha, kulonda nawu akaluwaŋeshi atondewa, neyi chinatwesheki.

Ilaŋa hamafuku akalondela lukadi olu, itaŋwa dakeyila, nikakweji hikakatoneka mwejuku, nitutumbwa twakaholoka mwiwulu, niŋovu jidi mumawulu jakakanka.