Populāri Bībeles panti no Mwamulizo 9

Dalīties

Na acino co citanjilo ce cilagane cono nghuciwika muli'ne na nyenye, hamonga ne viwumbwa vyumi vyose vyono vili hamonga na nyenye, sunga ku zindelo zono zikuza hanyuma. Ane nghuwika licilalyambwa lyangu mwi'vunde, nalyo lyowa co citanjilo ce cilagane cangu ca kuli'ne ne yinze.

Nalyo lilyo licilalyambwa, kolo lyejela du mu mavunde, nane noliwona, no kukumbucila kamonga i cilagane cico ce cibitilila cono cili kuli'ne ne viwumbwa vyose vyumi.

“Hambi u munhu nha yawumbwa ku futa yo Mulungu. Holeka munhu wo wose mono komuwulaga munhu, u munhu yuyo nayo kowulagwa na munhu muyagwe.”

U Mulungu yakawalugutiza Noha ne wanagwe, yakawatya, “Ale, mwilele mwinjipe muno muno, no kuyimemya yinze.

Ne vilimu vyose i vyumi, avyo vyowa yo ndigwa yenyu, nha vyono namupelenyi vilimwa yiwe yo ndigwa yenyu.

Ne vilimu vyose, ne zindeje zose zono zikwanga mucanyha, ne viwumbwa vyose vyono vitambalaga hasi, hamonga ne zisomba zose, vivyo vyose vyowa vina woga vikumogopenyi nyenye. Hambi vyose vivyo nha mwapegwa, navyo vili mu miwoko yenyu.

“Holeka anye mwilele mwinjipe, mwilele ko winji sunga muyimemye yinze.”