Populāri Bībeles panti no Magə 13

Dalīties

Ŋwu ntsəmə a yǒ peenə̂ áwɨ́ ə́ té mə. Lə́ ŋwu ntsəm páʼə a tɨ́ nə́ ńtyantə̂ tə ńkoʼə̂ á ndwegtə, a yǒ chwáalə.

Lɔg nə́ ndɛlə́! Chî nə́ atǐ ńtə́ ḿbyáabə!. Ńté ńgə́ nə́ kě jî əghâ páʼ ndɛd yi wɨ́ ə́ yǐ nə́ yǐ pô.

Mbɔʼ pə́ ghɛd ńgwaamə̂ áwɨ́ ńgɛn nə́ pəənə́ á mbô ngaŋə́sáʼə́məsáʼ, kɔ nə jwaʼ mbɨ əjɨ záʼ ndɛd ə́ pɔŋə̂ koʼ nə́ anu pɨ yǐ nə́ ghɛn sóŋə. Mbɔʼ ndɛd yi wɨ́ ə́ ghɛd ńkoʼ, nə sóŋə anuə atsəm páʼ Əsê a fiʼtə̂ nə́ áwə́ənə́. Ńté ńgə́ lə́ yǒ kě pɨ tséebə pô, lə́ yǒ tséebə Ajwǐəsê.

Nəpó pó ndəsê ə́ yǒ laŋə̂, lə́ atséebə mə á pə́ ńkě laŋ pô.

“Ŋwu tsə̌ a kě alě yə wɨ́ kɨ ndɛd yi wɨ́ jî pô. Alǒ pətseŋpə́ndɛ́pə́sê á nəpó kɨ Mɔ́ Əsê, pó kě jî pô, tə ńdéʼtə Tǎ páʼə a jî nə́.

Mbɔʼ nə́ zóʼə anu ńté məntso ḿbɨ ḿbə́ nə́ ndzaŋə ándó pɨ pə̈ tsáb nə́ ńté məntso, kɔ nə́ pɔ́gə. Ndɛn mənu wɨ́d ghɛn ə́ chîə á mə́ lɔg nə́ aliʼə́, lə́ ndwegtə ə́ pə́ ḿbɛ́d pɔŋə̂ yǐəə.

Lə́ələ́ pə́ ńgə́, tə́ nə́ ḿbyáabə, ńté ńgə́ nə́ kě jî ndɛd páʼ ngaŋnchîndɛ̂ a yǐ nə́ kwə̂ pô, kəənə á ndɛd nkwanə́, kəənə á ntɨ̌túʼ, kəənə á ndú mbî, kəənə á məsânə. Mbɔʼ a ghabkə̂ ńkwə̂, kɔ a yǐ ńtégə gho gho tə́ ńdê. Anu maŋ sóŋ nə́ á mbô pɨ, mäŋ sóŋə lə́ á mbô ŋwu ntsəm ńgə́: pyáb nə́.”

Aláʼə á yǒ lǒo á əsê sɔb məsɔŋə́ á ndzəm yətsə́, aláʼ páʼ əfo ä sáʼ nə́ á lǒo á əsê ə́sɔb məsɔŋə́ á ndzəm yətsə́: Ndəsê ə́ chiʼnə̂ aliʼə́ aliʼə́, nji ə́ gháʼə. Ndɛn mənu ghɛn ətsəm ə́ ghɛd chî lə́ tsɔʼə ándó məngyě nəpəmə a zóʼə móonə.”

Pə pə́ ə́shib ḿbeg ə́sóŋə anǔəsê á mbô əláʼ ətsəmə.

Pɨ pi nɨ́ nə́ pə́ yǒ yǐ nə́ əlɛ́nə mə ə́sóŋə ńgə́, ‘Maŋ lə́ yə́,’ ə́ tíʼ fɨg pɨ pi nɨ́ nə́.

Nə́ shib ńdɔg ndɛlə. Pə́ yǒ waamə̂ áwɨ́ ə́fɛ̂ á mbô ngaŋə́sáʼə́məsáʼ pə́ ə́shúmə áwə́ənə́ á mə́m məláʼ mə́ Əsê mə́ Pəjusə. Nə́ yǒ tə́əmə á mbi pəgɔ́bnɔ pópə Pəfo ə́ té mə á mə́ náŋkə nə́ nkɨ yi əshîʼnə á mbô pó.

Ńté ńgə́ pənchwádkə pə́ məfɨg pópə məntúmə́sê mə́ məfɨg, mə́ yǒ yǐ ghɛd əkyeʼmə́nu pópə əkɨʼnəmə́nu á mə́ fɨg nə́ pɨ páʼ Əsê a tsɔ́ʼ nə páʼ təmbɔʼ ndu ə́ chî ə́wə́.

Nə́ əlě pə wɨ́ páʼ ngə́ʼ yi wɨ́ ə́ laŋ nə́ lə́, mə́numə á yǒ sɛ́nə, sáŋə á kě nkyaʼ pɨ fɛ̂ pô, pɔ́ pə́ sáŋ pə lǒo á nəpó ńgwukə̂ ndəsê, pə́ kə́ ńchiʼ mətɨ mə́ nəpóolə.