Populāri Bībeles panti no Məfaʼə 4

Dalīties

Ŋwu yi ndaʼ yitsə̌ a kě ə́wə́ á ndu mbî chî páʼ Əsê a ghɛd nə́ ńgə́ təmbɔʼ pɛn laŋ ə́wɨ́ ńchwád pô, ńté ńgə́ əlɛ́n yi ndaʼ yitsə̌ ə́ kě ə́wɨ́ chî páʼ təmbɔʼ ə́ chwádkə áwɛ́n pô.”

Əghâ ándó pó nə ḿməgtə̂ nə́ á mə́ chaʼtə̂ nə́ Əsê lə́, aliʼ pó nə̈ ńtsɛntə̂ nə́ ə́wɨ́ lə́ á chiʼnə̂. Ajwǐəsê á lwɛ́nkə məntɨ́ mɔ́b pətsəm, pó chúʼə á mə́ sóŋ nə́ anǔəsê tsɔʼə tə apɔ́gə.

Əghâ nə́ nə́ Mmaʼmbî, jɨ́ ndzaŋ páʼ pó kag nə́ áwə́gə́, kwáalə áwə́g ngaŋə́faʼ əzô pəg sóŋə anuə azô á mbô pɨ pɨ nə́ atyǎntə ntə́əmə.

Yeso lə́ ŋwu páʼ atséebə Əsê á tsáb nə́ ńté yí ńgə́, Ngɔʼ páʼ pɨ ngaŋə́póomə məláʼ nə́ kəŋkə̂ nə́ ə́ nə ńtíʼ ngɔʼ nəlwî nə́ ndɛ̂.

Á nə ńkɨʼnə̂ mətû mə́ aláʼ ndzaŋ páʼ Pita pó Jɔn ə́ túg nə́ ntə́əmə á mə́ tsáb nə́ tsɔʼə tə apɔ́g ńkə́ ḿbɨ ḿbə́ ńgə́ pó nə ńkě aŋwaʼlə ghɛn pô, ńkə́ ḿbɨ ḿbə́ lə́ tsɔʼə asáŋəsáŋə́. Pó tíʼ ńkwúmtə əghâ yi wɨ́ ńgə́ Pita pó Jɔn ə́ nə ḿbə́ lə́ ngaŋə́zoŋə́ndzəm Yeso.

Pɨ pó nə ḿbí nə́ nə́ Yeso məntɨ́ mɔ́b mə́ nə́ ḿbə́ lə́ táʼə, akwaŋə azóobə́ á kə́ ḿbə́ táʼə. Ŋwu əghɔb yitsə̌ a nə ńkě ə́sóŋə ńgə́ ajúmə ají lə́ ají pô ńté ńgə́ pó nə̈ ńgeebə̂ ajúmə atsəm pó túg nə́ á tətɨ pó.