Populāri Bībeles panti no Kut 9

Dalīties

Reero Ruhanga yaagira ati: Aka niko kamanyiso k'endagaano ei naaragaana naimwe, na buri kihangirwe kyona ekihuriire ekiri hamwe naimwe, ahabw'enzaaro zoona eziribaho. Mbwenu naataho omuhanganzima omu bicu, gugume guri akamanyiso k'endagaano yangye n'ensi.

Omuhanganzima ku gurireebeka omu bicu, ndyagunagira eriisho, nyijukye endagaano etahwaho, ei nyowe Ruhanga naaragaaniire ebihangirwe byona ebiine amagara, ebiri omu nsi.

Weena orisheesha eshagama y'omuntu, n'eye baryagisheesha, ahabw'okuba Ruhanga akahanga omuntu naamushusha.

Bwanyima Ruhanga akaha Noa n'abatabani omugisha, yaabagira ati: Muzaare, mukanye, mwijure ensi.

Kyona ekiine amagara ekirikwegyendesa, kiryaba ebyokurya byanyu. Byona ebyo naabibaha nk'oku naabahaire ebirikumera.

Muryaguma mwitse obwoba enyamaishwa z'omu nsi, muzitiinise. Byona ebirikugurukisa amapapa omu kaabunga, na ibara kintu ekirikugyendesa enda ahansi n'ebyenyanja byona eby'omu mayanja naabibarekurira.

Mbwenu nimuzaare, mukanye, mwijure ensi, kandi mugitegyekye.