Populāri Bībeles panti no Hechos 2

Dalīties

A wa̦ juo ja, abinaja Pedro a cuma. —Wedinaja mlai. Wa̦lidiwä tä ja, bä bufi da lädalu. Jesucristo nija wamacö bufi fa cuicunö, ö̦jö a wa̦nö, bä fe da ojomamo. Wamacö doblou lä mlai tä ma cule, tä nowa mladamabä. Inaja wamacö cublaliyo ja, cama Yai Bada tä Bufi ja, wamacö nia dobämamou.

Jesucristonö bä lä shömöleno wei bä a̦ ji̦liaö bufi doblaomaje. Ö̦jö bä sho, bä nofi tamayou bufi doblaoma. Bä iyabä jamö ma cui, bä ca̦i co̦caablalou bufi doblaoma. Yai Bada nija bä nö bayeli nacaobä jamö ma cui, bä ca̦i yädäablalou bufi doblao showaoma.

Inaja tä fa cuonö, Jesucristo bluca ebä nijamö, Yai Bada a Bufi fa jödödöblalunö, bä a̦ faö shomiblamalema. Yai Bada a Bufinö bä a̦ fa bädamanö, shomi bä caficö a̦ ja bä a̦ bluca fadou cuaama.

Yedu jai wadoli a wa̦ bada cuwä tä a̦ fa itoimanö, bä lä loono wei a yafi lä cui jamö, a wa̦ jödödöblaliyoma. Ö̦jö bä nija, jai cowa wacöbä cuwä wacöbä wai fa shedequeblalunö, ö̦jö bä bluca nija wacöbä wai döcäcäolaliyoma. Inaja tä fa cuonö, Jesucristo bluca ebä nijamö, Yai Bada a Bufi fa jödödöblalunö, bä a̦ faö shomiblamalema. Yai Bada a Bufinö bä a̦ fa bädamanö, shomi bä caficö a̦ ja bä a̦ bluca fadou cuaama.

Cama bä bluca lä cui, showadi Yai Bada e yafi jamö bä yododaö nosi blacäcodima. Cama bä yafibö jamö bä iyaö ca̦i co̦camodima. Bä iyamayou bufi doblaoma. Yai Bada a lä cui, showadi a nofi dodijaö doablamaje. Dodijidawä bä cuoma yalo, ö̦jamö bä lä bälöle bä blucanö, bä nofimamaje. Inaja bä cuaalanö, Yai Bada tänö bä jucäaö lä nocamono wei bä lä cui, Jesucristo ebä nija bä yädäblamaö nosi blacäcofälöma.

Yai Bada ya wa̦no taö lä cule. Yai Bada tänö täbä nia lä jömaö wei tä cublou ajedou däjä, bluca bä nija Yai Bada tä Bufi nia jo̦wa yai jöbömou. Wamacö ijilubö bä ma cuinö, wamacö tääbö bä ma cuinö, a wa̦no nia wäyäöje. Tä nia lä cublou wei, cafäteli ai bä fiyanö, tä yai nia wawädou mööje. Bada bä lä cuinö, tabi tä nia li dablaöje.

Jesús a bejedi lä bufibono wejei, cama bä bluca yaiblamolayoma. Bä bayeliblayou bufi doblaoma. Cama bä madofibö ma cui ja, bä bufi läablalou mlai ja, bä madofibö nofi bluca ibamayoma. ¿Ö̦jö tawä? Abinaja bei bä taamayoma. Ai bä jo̦li ja, ulifi bä lä tabou wejei bä ma cui, madofi bä lä tabou wejei bä ma cui, blada bä ja bä jöböqueije. Ö̦jö däjä, ö̦jö blada bä ja, bä lä jo̦lio wei bei bä bluca dobäleije, bä cuaama.

Ö̦jö däjä, Bada a nija a bayeliblamou lä bufio wei a lä cui, a nia jo̦wa jucäamou. ’Einaja tä a̦ cuu. ¿Ö̦jö tawä? —Pedro a cuma—.

Bada tä nö nia yai lä quiliaö wei, tä mö jalu cublou showao mlao däjä, motoca a shi̦i nia jo̦wa lublou balöo. Belibo a ma cui, i̦yä i̦yä bä wacä lä culenaja, a nia cublou nö quilio.