Populāri Bībeles panti no John 12

Dalīties

Sɛ obi som me a, ma ondzi m’ekyir, na mbrɛ mowɔ no, hɔ na mo somfo so bɛba; sɛ obi som me a, ɔno na m’Egya no bedzi no nyi.

Nyia ɔdɔ no nkwa no, ɔyew no, na nyia ɔtan no nkwa wɔ wiadze yi mu no, ɔbɔkora no akɔ onnyiewiei nkwa mu.

Meka no nokwar mu kyerɛ hom dɛ, sɛ ewifua anntɔ famu ennwu a, no nko na ɔda hɔ; na sɛ owu a, ɔsow aba pii.

Maba wiadze dɛ kan, ma obiara a ɔgye me dzi no aanntsena sum mu.

Na sɛ obi tse me nsɛm na ɔammfa ennsie a, emi dze, mummbu no atsɛn; na mammba dɛ murubobu wiadze atsɛn, na mbom dɛ merebɛgye wiadze nkwa.

Na Mary faa ngohuam krɔngyenn a no bo yɛ dzen na no dur nkeriibo kor dze bɛseraa Jesus n’anan ho, na ɔdze no nhwi pepaa n’anan ho; na ngo no no huam hyɛɛ dan no ma.

wɔfefaa berɛw na wopuei dɛ worikehyia no kwan, na wɔtseatseaa mu dɛ, Hosanna! Nhyira nye nyia ɔnam Ewuradze dzin mu reba no, Israel Hen no a!

Jesus buaa hɔn dɛ, Dɔn no edu a wɔbɛhyɛ nyimpa Ba no enyimnyam.