Populāri Bībeles panti no YAHYA 1

Dalīties

Laguq tipaq dengan-dengan saq nerimaq Ie, Ie icanin dengan-dengan nike kuase jari bije-bije dowén Allah, ie pade saq percaye léq peséngan-Ne.

Léq penembéqne sendéqman dunie tecipteang, Manik nike sampun araq. Manik nike araq bareng Allah, dait Manik nike Allah.

Terang nike besinar léq tengaq peteng, dait peteng nike ndéq bau nguasein terang nike.

Manik nike sampun jari manusie, beterus Ie araq léq antare ite, dait ite sampun serioq kemuliean-Ne, kemuliean saq teicanin tipaq Ie sebagé Bije Nunggal saq asalne léman Bapa, penoq rahmat dait kebenaran.

Selapuqne tejariang siq Ie, dait léman selapuq saq araq, ndéq araq sopoq juaq saq tejariang, lamun nénten siq Ie. Léq dalem-Ne araq idup, dait idup nike terang manusie.

Léq jelo jemaqne, Yahya serioq Deside Isa rauh tipaq ie. Terus Yahya bebase, “Pade serioq Anak Dombe Allah saq ngapus dose dunie.

Ie araq léq dunie, malahan dunie tecipteang siq Ie, laguq dunie ndéq kenal kance Ie. Ie rauh ojok dowé-Ne mésaq laguq ie pade ndéq nerimaq Ie.

Terang saq sejati, saq menahin selapuq manusie, kenyeke rauh ojok dunie.

Hukum Taurat ite terimaq léman Musa. Laguq rahmat dait kebenaran rauh langan Deside Isa Almasih.