Populāri Bībeles panti no YAHYA 15

Dalīties

Wau̒lo bungo lo angguru, wau timongoli tataa-ngolio. Taa u debo motituwau wola-U̒ wau Wau̒ wolio, mamomungo dadaata; sababu wonu diila wola-U̒, timongoli diila mowali mohutu wolo-wolo.

Debo potituwaulo wola-U̒ wau Wau̒ olo madebo motituwau woli mongoli. Tango wambao̒ diila mowali momungo mai, ngopohia wonu tango boito debo to bungolio. Odito olo timongoli bo mowali momungo, wonu debo motituwau wola-U̒.

Wonu timongoli debo motituwau wola-U̒ wau pongaajali-U̒ debo todelomo hilaamu, pohileaalo odeli Paapa-U̒ boli wolo u otohilaa limongoli; hihiile limongoli boito mapoo̒ poluo-Lio mai.

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

Taa motolia̒nga daa̒ mongo sahabatilio tio-tiolo tamongohi mao̒ tutumulio ode limongolio.

Timii̒du tango to ola-U̒ udiila momungo, panggee-Lio, wau timii̒du tango u momungo, ilangiyalo duungio wau pobelesiyolo alihu lebe dadaata poli hungolio.

Uti-utieelo palentaa-U̒; tolia̒ngalo ngota timongota, tutuuwauwa debo odelo Wau̒ momonu olimongoli.

Wonu timongoli momungo dadaata, ti Paapa-U̒ pou̒daa̒alo mola; wau lou̒ odito otu-otutuulo mao̒ timongoli mowali muri-U̒.

Tahuda mao̒ li Isa poli, “Wau̒ bungo lo angguru ututuulio tutu wau ti Paapa-U̒ yito tamokele-kela mao̒ ilengilio.

Taa u debo diila motituwau wola-U̒, mapo mahulolio debo odelo tango, lapatao̒ mowali mohengu. Tataa-ngowaalo udebo odelo uito maimoo̒olo wau pomahulola ode delomo tulu, tulusi tumbilalo.

Ngoa̒amilalo botie poo̒taa-U̒ mai olimongoli, alihu owengahu-U̒ woluo todelomo hilaa limongoli, wau owengahi mongoli mowali wimu-wimumuto ngoa̒amilalo.

Wonu timongoli moponao̒ ngoa̒amila palentaa-U̒, timongoli debo tatapu wau molotolo hilao toponu-U̒. Tutuuwauwa debo odelo Wau̒ debo molotolo hilao toponu li Paapa-U̒ sababu loponao̒ ngoa̒amila palentaa-Lio.

Uti-utieelo palentaa-U̒ to olemu: tolia̒ngalo ngota timongota.”

Humayaalio timongoli miliki lodunia, timongoli matolia̒ngo lodunia debo odelo milikiilio. Bo Wau̒ malo lulaoto olimongoli lonto dunia botie, oditolio timongoli diilalo miliki lodunia, uito sababuulio dunia molonui̒ mongoli.