Populāri Bībeles panti no Yohanes 6

Dalīties

at Yesus nen, men yogeisasikhe, “Hipiri inilugurinakherek meke iti, an nebeat o. Ap tha nen noba wageik, etaiken noba hakotdigik, hagasigin halok he, hipiri abu ageik, i abu ageik, hagakhe dogogin dek o.

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.

at Yesus nen, men yogeisasikhe, “Allah akla apekherek meke hit nen hagasusak iti ebe yiat o. An Allah nen la'ani ageikhemo wagagi meke yi, hinetaiken noba hakotdusak itiat o,” iluk yogeisasikhemo

Meke re, an pogot oba nen usa'agagi iti, an nekaerek nakla nen kagalogo hagasigiluk usa'agagi 'buk. At la'ani ageikhe meke akla apekherek meke itiat mothogon hagasigiluk usa'agagi iti nen he, akhuni an nopase nen woknekherek meke inebe tomok noba wagunem, an nen, Hit an noba wisusak dek, iluk wenageisagein motok dek o.

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

An nopase la'ani ageikhe meke etnogo nen, akhuni lit-lit an noba wogosik wageidek halok, noba wisusak erlok dek o. At nen, it aperek lit-lit wogosik wagunem noba wisugun halok, o ilugun hurli baga, an nen inilugurinabiginat o.

Itithogon yogokhukhama, at Yesus nen, men yogeisasikhe, “An nen wene eberogonat meke ageikhe yokhisak. Hipiri pogot oba nen usakhisa aga lageikhe iti re, at Musa nen 'buk. Dek o. At he, hipiri ebe meke iti, nopase nen an nebe akhuni agat oba meke inilugurinakherek meke pogot oba nen usa'agagi itiat wokhisekherek o,” iluk yogeisasikhe.

wene ageikhe men yogeisasikhe, “Hipiri inilugurinakherek meke iti, an nebeat o.

Itithogon hureklarik lagoukhama, at Yesus nen hipiri roti meke eranogo ikimo waganhikhesik nen, “Allah nopase,” iluk heagei warogo, akhuni doalegat hurek lagoukha meke emenogo supurisalok, ikan eranogo itithogonat supurisasikhe. Supurisasikhemo, it inakla nen, nelo apasukha meke re, hipiri ina'ithogon nasukha. Hipiri ina'ithogon nasukhama, at agarumi ane waganhe lagoukha meke emenogo men yogeisasikhe, “Hipiri nekasik ilugun titurogon 'bega meke ethoma alomatlasunogo iluk, natogorlogo opakimo 'bini o,” iluk yogeisasikhemo

I hoklabu kogat hagakhe korlek, it emenogo ku warik turlem heisogo 5 kilometer a, 6 kilometer a, walegat asi agoukha hak, at Yesus etnogo i agoum obake holak isok 'bilik inoba mot-mot horogat wagunem, inileken lakhalok nen inayuk motok agoukha. Inayuk motok agoukhama, at Yesus nen, men yogeisasikhe, “Nagarumi. Hinagorakma. An nebeat waga lagei. Halok he, hinayuk agup o,” iluk yogeisasikhemo