Populāri Bībeles panti no Luuka 11

Dalīties

Nda omwe muna muli vanansi, mumeenye kivapeela avaneenyu ifiinu ifinofu, lino, wuli uWiheenyu uwa kushaanya asikhagaha wunofu mandu, kivapeela uNumbula uMunofu vina vikimulomba?”

“Lino nikivajovela, mulombaje musipeelwe, sakulaji musifyaje, hodesaaji musidindulilwe.

Kiiva, umuunu yoyoona yuna ilomba, ipeelwa, yuna isakula, ikifyaga. Woope yuna ihoodesa, idindulilwa.

UYeesu wávajovela wáaja, “Pina mufuunya kwa Nguluvi, fuunyaji ndeeni, ‘Owe Wiheesu [yuna uli kushaanya] ilitaawa lyakho litunwajwe. UWutwa waakho, wuyinse. [Shina widobokha, gasenjeshe pa nyi apa, ngaja shina gisenjekha ukho kushaanya.]

Utusaajile uwunansi weesu, ngaja na yuuse shina tikivasaajila woona vina vikitunanjila. Usikhatuviikhaga mu majelo. [Leelo utukuluse kwa Munansi yula.]’ ”

Utupeelaje wiila ishakiilya sheesu.

Ameeho gaakho ngaja lumuli luna lumulikha umuvili gwakho. Ameeho gaakho nda manofu, baheene umuvili gwakho goona gwiva mu wuvalafu. Leelo ameeho gaakho nda mavi, umuvili gwakho gwiva mu nshiisi.

“Kusiina umuunu yuna iveesa ulumuli, na kiviikha pina patyejile awu kigubikha ni shigaana. Leelo, iviikha pa liwumbila, baheene avaanu pina vihuluta, valwaje ulumuli lwakwe.