Populāri Bībeles panti no MATEO 2

Dalīties

Majoya equiyasijje nobiquimajje María oja bacuasho'ijji ani bacapoa. Majo ebacua jaajo oja ecuioshajjajo nequiñapoa cuana o bihuiañajji. Oja ye aquianacuana ebacuaja yajji jjequicuayacañapoa pea-ai. Oya jama quiacapoa ba'a: oro, edahuashiyejji incienso bajjani, shiyeshiyeca'a mirra bajjani pea-ai. Jamaya oya quiacapoa dejja queasapaja'acuaa.

Jesosa cuayapoa pueblo Belén provincia Judea meshijo. Herodes emeshimese enequiahuajo oya cuayapoa. Majoya aje quijjepishana dejjacuana queasapaja'a majametacuana baneijji poani poeapoa ciudad Jerusalén meshiyasijje eshequi jaasohuanimijijje. Jama huohuiajjame acañapoa cuaa emeshimese Herodes ba'a: —¿Achacua jaa judiocuanaja emeshimese epojji ma jjeya cuayanaje? Eshequi jaasohuanimiji eyajje oja majameta-ai jaasohuaje ecuaa queaja'a banaje. Jamajjeya ecuana jjeya poeyanaje o bihuiaa.

Majameta equi anijamacoojo jijiquitii bamajje queabihuinee poa cuana.

Majoya aje quijjepishana Eyacuiñajjiya ma dejjacuana epoe ani jjacahuibameequicapoa ehuohuijji o Herodesque poquio'oyajjima epojji. Jamajjeya pea ejeojjijje poqui'yapoa cuana oja meshiyasijje emeshimese Herodes baqui'yojjimatii. Majoya aje dejjacuana queasapaja'a majametacuana baneijji poani poqui'yajo, oe Emeshimeseneija ángel jjaja'aquiapoa José ecahui jaajo. Ohuaya José jjacahuibameequicapoa o huohuijji jama ba'a: —José, nequisohuacue. Ebacuasho'i, oja nae pea-ai quehuadojocuajicue Egipto meshiyasijje. Cuamaya aniquisocue ecuea miya quijje ehuohuijji mi poe'yojjijo. Jjeya emeshimese Herodesya ebacuasho'i sa-ajjacaje equecuajeamee'yojji— jama huohuimeya acapoa ecahuijaa José.